حالىقارالىق فۋتبول فەدەراتسياسى (فيفا) الەم چەمپيوناتىنىڭ توپتىق كەزەڭىندە يتاليا كومانداسىنىڭ قورعاۋشىسى دجوردجيو كەللينيدى تىستەپ العان ۋرۋگۆاي قۇراماسىنىڭ شابۋىلشىسى لۋيس سۋارەستىڭ ارەكەتىنە قاتىستى شەشىم شىعاردى.
وتكەن اپتاداعى كەزدەسۋ كەزىندە كەللينيدىڭ سول جاق يىعىن تىستەپ العان سۋارەسكە فيفا-نىڭ تارتىپتىك كوميتەتى ۇلتتىق قۇرامانىڭ 9 رەسمي كەزدەسۋىنە جانە 4 اي كولەمىندە كەز كەلگەن ماتچتارعا قاتىسپاۋ تۋرالى جازا قولدانىلدى. سونداي-اق, «ليۆەرپۋلدىڭ» شابۋىلشىسى 100 مىڭ شۆەيتساريالىق فرانك ايىپپۇل تولەيتىن بولادى. باسىنا قارا بۇلت ۇيىرىلگەن ۋرۋگۆايلىققا ءتىپتى, كەز كەلگەن رەسمي ماتچتاردى تاماشالاۋعا دا تىيىم سالىندى. بىراق ۋرۋگۆايدىڭ فۋتبول اسسوتسياتسياسى فيفا-نىڭ بۇل شەشىمىنە كەلىسپەيتىنىن, الداعى ۋاقىتتا ءىستى قايتا قاراۋعا شاعىمداناتىنىن ايتىپتى.
ەستەرىڭىزگە سالا كەتسەك, بۇعان دەيىن دە ۋرۋگۆايلىق شابۋىلشى ءوز قارسىلاستارىنا بىرنەشە رەت «ءتىس باتىرىپ» كورگەن. ول 2010 جىلى گوللانديانىڭ «اياكس» كومانداسىندا ويناپ جۇرگەن كەزىندە پسۆ «ەيندحوۆەننىڭ» ويىنشىسى وتمان باككالدى تىستەسە, انگليا چەمپيوناتىندا 2013 جىلى «چەلسيدىڭ» قورعاۋشىسى برانيسلاۆ ءيۆانوۆيچتىڭ يىعىنان قىرشىپ العان بولاتىن.