«قازگيدرومەت» رمك ۇسىنعان دەرەكتەرگە سايكەس, سولتۇستىك-باتىس تسيكلون جىراسى مەن اتموسفەرالىق فرونتتاردىڭ اسەرىنەن ەلدىڭ باسىم بولىگىندە جاڭبىر مەن قار تۇرىندە جاۋىن-شاشىن كۇتىلەدى.
«ەلدىڭ باتىسى مەن شىعىسىندا عانا جوعارى قىسىمدى ءورىستىڭ اسەرىنەن كۇن جاۋىن-شاشىنسىز وتەدى», دەپ حابارلادى «قازگيدرومەت» ءباسپاسوز قىزمەتى.
سينوپتيكتەردىڭ بولجامىنا قاراعاندا, رەسپۋبليكا بويىنشا تۇمان, جەل كۇشەيەدى, ەلىمىزدىڭ سولتۇستىك جارتىسىندا كوكتايعاق, جاياۋ بۇرقاسىن, ەلدىڭ وڭتۇستىك-باتىسىندا, باتىسىندا شاڭدى داۋىل بولادى.
استانا قالاسىندا كوشپەلى بۇلت, تۇندە جانە تاڭەرتەڭ جاۋىن-شاشىن (كوبىنەسە قار), جاياۋ بۇرقاسىن كۇتىلەدى. ءالى دە كوكتايعاق بولادى. وڭتۇستىك-باتىستان سوققان جەل سولتۇستىك-باتىسقا اۋىسىپ, ەكپىنى 15-20 م/س دەيىن جەتەدى. اۋانىڭ تەمپەراتۋراسى تۇندە -4-6°س, كۇندىز 0,-2°س بولادى.
الماتىدا كۇن جاۋىن-شاشىنسىز وتەدى. تۇندە جانە تاڭەرتەڭ تۇمان تۇسەدى. جەلدىڭ ەكپىنى 2-7 م/س بولادى. اۋانىڭ تەمپەراتۋراسى تۇندە +2+4°س, كۇندىز +14+16°س بولادى.
شىمكەنتتە دە كوشپەلى بۇلت كۇتىلەدى, الايدا جاۋىن-شاشىن بولمايدى. سولتۇستىك-شىعىستان سوعاتىن جەلدىڭ ەكپىنى 3-8 م/س جەتەدى. اۋانىڭ تەمپەراتۋراسى تۇندە +5+7°س, كۇندىز +20+22°س بولادى.