«اق جول» دەموكراتيالىق پارتياسىنىڭ ۇگىت-ناسيحات توبىنىڭ جۇمىسى شىمكەنتتە جالعاستى. پارتيا توراعاسى ازات پەرۋاشەۆ باستاعان شتاب وكىلدەرىمەن كەزدەسۋگە شىمكەنت قالاسىنىڭ 360-تان استام ازاماتى قاتىستى.
رەسپۋبليكالىق شتاب مۇشەلەرى تۇرعىنداردى سايلاۋالدى باعدارلامانىڭ نەگىزگى تۇجىرىمدارىمەن تانىستىردى. جيىنعا قاتىسۋشىلار ەل ىشىندەگى وزەكتى ماسەلەلەردى ورتاعا سالىپ, وزدەرىن مازالاعان سۇراقتارىن قويىپ, شتاب وكىلدەرىمەن بىرگە ونىڭ شەشۋ جولدارىن تالقىلادى.
قالا تۇرعىنى باحىت كۇندەباەۆ اقجولدىقتاردىڭ باعدارلاماسىمەن تانىسىپ, وزگەرىس بولاتىنىنا, ءادىل سايلاۋ وتەتىنىنە كوز جەتكىزگەنىن, ەلىمىزدەگى ءبىلىم سالاسىنىڭ ساپاسى تومەندەگەنىن, جەمقورلىقتىڭ جويىلماي تۇرعانىن, جالپى ەلىمىزگە تۇبەگەيلى وزگەرىستەردىڭ قاجەت ەكەنىن ايتتى.
بۇل ۇسىنىستى پارتيا ليدەرى ازات پەرۋاشەۆ تولىعىمەن قولداپ, ءوز سوزىندە مۇعالىمدەرگە ەرەكشە دارەجە بەرۋ تۋرالى زاڭ قابىلدانعانىمەن, كەمشىلىكتەرى بار ەكەنىن, زاڭعا تولىقتىرۋ ەنگىزۋ كەرەكتىگىن جەتكىزدى. ء«بىلىم سالاسىنا وزگەرىستەر قاجەت, ءبىلىمى جوق حالىقتىڭ بولاشاعى دا جوق», دەدى ول.
جيىنعا قاتىسۋشىلار داۋىس بەرەتىن سايلاۋ ۋچاسكەلەرىندە ەلەكتروندى جۇيە ورناتۋ قاجەتتىگى تۋرالى تالاپتارىن جەتكىزدى. بۇل ۇسىنىسقا پارتيا توراعاسى ازات پەرۋاشەۆ بىلاي دەپ جاۋاپ بەردى.
«بۇل ماسەلەنى «اق جول» دەموكراتيالىق پارتياسى 2017 جىلدان باستاپ پارلامەنتتە كوتەرىپ كەلە جاتىر. ءبىزدىڭ دەپۋتاتتىق ساۋالىمىزدا سايلاۋ ۇدەرىسىنە تولىعىمەن بەينەباقىلاۋ جۇرگىزىپ, جەكە كۋالىگىندەگى شتريح-كود بويىنشا داۋىس بەرۋ تۋرالى ۇسىنىس ايتىلعان. كورشى قىرعىزستاندا وسى جۇيە 10 جىل بۇرىن ەنگىزىلدى. ال ءبىزدىڭ دەپۋتاتتىق ساۋالىمىزعا ۇكىمەت تاراپىنان قاراجات قاراستىرىلماعانى تۋرالى جاۋاپ كەلسە دە, ءبىز مۇنى قايتا-قايتا كوتەرىپ كەلەمىز. كەز كەلگەن سايلاۋدا داۋىس بەرەتىن ۋچاسكەلەردە بەينەباقىلاۋ ورناتىلعان جاعدايدا عانا ءادىل سايلاۋ ءوتىپ, سايلاۋدا ەشقانداي زاڭ بۇزۋشىلىق بولمايدى», دەدى پارتيا توراعاسى.
بۇدان كەيىن شتاب مۇشەلەرى ءبىلىم بەرۋ مەكەمەلەرىنىڭ 250-گە جۋىق مۇعالىمى جانە ستۋدەنتىمەن كەزدەستى. جينالعاندارعا پارتيانىڭ سايلاۋالدى باعدارلاماسى ءجىتى ءتۇسىندىرىلدى.