اۋا رايىنىڭ قولايسىزدىعىنا بايلانىستى ايۋساي شاتقالىنان جوعارى قارايعى جول ۋچاسكەسى مەن شىمبۇلاق-ەدەلۆەيس تاسجولى جابىلدى, دەپ حابارلايدى Egemen.kz.
«25 اقپاندا ۇلكەن جانە كىشى الماتى وزەندەرىنىڭ الاپتارىندا ايتارلىقتاي جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز جاي-كۇيىنە بايلانىستى ايۋساي شاتقالىنان جوعارى جول ۋچاسكەسى جابىلىپ, شىمبۇلاق-ەدەلۆەيس تاسجولى بويىنا بلوك بەكەتتەر قويىلدى», دەلىنگەن الماتى قالاسى توتەنشە جاعدايلار دەپارتامەنتىنىڭ حابارلاماسىندا.
دەپارتامەنت مالىمەتىنشە, اتالعان ورىندا پوليتسيا دەپارتامەنتىنىڭ 2 ەكيپاجى كەزەكشىلىككە قويىلعان.