قازاقستان رەسپۋبليكاسى ۋكرايناداعى داعدارىستى ساياسي رەتتەۋ بويىنشا قىتاي حالىق رەسپۋبليكاسىنىڭ ۇستانىمىن قۇپتاي وتىرىپ, بىرىككەن ۇلتتار ۇيىمىنىڭ قاعيداتتارى نەگىزىندە مەملەكەتتىڭ اۋماقتىق تۇتاستىعى, تاۋەلسىزدىگى جانە ەگەمەندىگى نەگىزىندە قانتوگىستى توقتاتۋعا كومەكتەسۋ رەتىندە قولداۋعا لايىق ەكەنىن بىلدىرەدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
ء«بىز بۇل ماسەلەنى تەك حالىقارالىق قۇقىق پەن بۇۇ قاعيداتتارى نەگىزىندە بەيبىت جولمەن شەشۋگە بالاما جوق دەپ سانايمىز. ءبىز اسكەري قاقتىعىسقا قاتىسۋشى تاراپتاردىڭ ىزگى نيەت تانىتۋىن, ۇرىس-قاقتىعىستى توقتاتىپ, كەلىسسوز ۇستەلىنە وتىرۋىن, ال الەمدىك قوعامداستىقتىڭ جاعدايدى بارىنشا ديپلوماتيالىق جولمەن شەشۋگە ۇلەس قوسۋىن جاقتايمىز», دەلىنگەن مالىمدەمەدە.
سونىمەن قاتار قازاقستان قىتاي حالىق رەسپۋبليكاسىنىڭ جاھاندىق قاۋىپسىزدىك باستاماسىنىڭ تۇجىرىمداماسىندا ايقىندالعان مەملەكەتتەردىڭ وزەكتى ماسەلەلەرىن شەشۋ تۋرالى اتاپ ءوتتى.
بۇعان دەيىن قىتاي ۋكرايناداعى احۋالعا قاتىستى ءوز ۇستانىمىن جاريالاعان ەدى.