بۇگىن استانادا سۇلتان بەيبارىس اتىنداعى كوشەنىڭ اشىلۋ سالتاناتى ءوتتى. مادەنيەت جانە سپورت مينيسترلىگىنىڭ باستاماسىمەن ۇيىمداستىرىلعان سالتاناتتى شارا ۇلى تاريحي تۇلعانىڭ 800 جىلدىعىنا ارنالدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
اشىلۋ سالتاناتىنا اسحات ورالوۆ قاتىستى.
ء«بىز ايتۋلى كۇنگە تىڭعىلىقتى دايىندالىپ جاتىرمىز. ونىڭ ماڭىزىن ەسكەرە وتىرىپ, مادەنيەت جانە سپورت مينيسترلىگى قازاقستان استاناسىندا كورنەكتى قولباسشىنىڭ ەسىمىن ۇلىقتاۋ تۋرالى شەشىم قابىلدادى», دەدى مينيستر.
جان - جاقتى تالداۋدان كەيىن تاڭداۋ سارىارقا اۋدانىنداعى №189 كوشەگە ءتۇستى. ەندى ول مىسىر سۇلتانىنىڭ ەسىمىمەن اتالادى. بۇل ۇزىندىعى 2 كم-دەن اساتىن التى جولاقتى كوشە.«وسىنداي اۋقىمدى شارامەن ءبىز سۇلتان بەيبارىستىڭ مەرەيتويىن اتاپ ءوتىپ قانا قويماي, بۇكىل تۇركى تاريحى ءۇشىن ماڭىزى زور تۇلعاعا قۇرمەت كورسەتەمىز. ءبىز جاس ۇرپاقتى ۇلى قايراتكەرمەن تانىستىرامىز. سونداي - اق ءبىز مەرەيتوي اياسىندا سپەكتاكلدەر, عىلىمي كونفەرەنتسيالار, مىسىر تاراپىمەن بىرلەسكەن جوبالار جانە ت.ب. ءىس-شارالار وتكىزۋدى جوسپارلاپ وتىرمىز», دەپ اتاپ ءوتتى اسحات ورالوۆ.