استانا قالاسىنىڭ ورتالىق ساياباعىندا XIII سپارتاكيادا اياسىندا قورعانىس مينيسترلىگى مەن قارۋلى كۇشتەر باس شتابى قۇرىلىمدىق بولىمشەلەرى اراسىندا شاڭعى سپورتىنان چەمپيونات ءوتتى, دەپ حابارلايدى Egemen.kz.
جارىستىڭ اشىلۋ سالتاناتىنا قورعانىس مينيسترلىگىنىڭ باسشىلىعى, سپورت كوميتەتى – ورتالىق سپورت كلۋبىنىڭ وكىلدەرى, اقمولا گارنيزونىنىڭ اسكەري قىزمەتشىلەرى قاتىستى.
سپورتشىلاردى قۇتتىقتاعان استانا قالاسى دەنە شىنىقتىرۋ جانە سپورت باسقارماسىنىڭ باسشىسى سامات جىلقىباەۆ وسىنداي ءىس-شارالاردىڭ ماڭىزدىلىعىن اتاپ ءوتىپ, ولارعا جارقىن جەڭىستەر تىلەدى.
«ۇلت دەنساۋلىعى – كەز كەلگەن مەملەكەتتىڭ تابىستىلىعىنىڭ كەپىلى. XIII سپارتاكيادانى وتكىزۋ – بۇل ءبىزدىڭ سالاۋاتتى ءومىر سالتىن نىعايتۋعا جانە ەل دامۋىنا قوسقان ۇلەسىمىز. سىزدەرگە سپورتتىق جەتىستىكتەر مەن كۇش- جىگەر تىلەيمىن», دەدى قورعانىس مينيسترلىگىنىڭ اپپارات باسشىسى پولكوۆنيك ەربول قۇماربەك ۇلى.
جاپپاي ەستافەتالىق جارىسقا قاتىسۋعا 39 كوماندا ءوتىنىم بەرگەن. جارىس ەكى توپ بويىنشا ءوتتى. ءبىرىنشى توپتا چەمپيونات كۋبوگىن جاۋىنگەرلىك دايىندىق دەپارتامەنتىنىڭ كومانداسى, ەكىنشى توپتا 32039 اسكەري ءبولىمى جەڭىپ الدى.