ەلىمىزدە بەكىرە تۇقىمداس باعالى بالىقتاردى اۋلاۋعا تىيىم سالىنعالى قاشان. الايدا, تىيىمدى ءتارتىپ دەپ تارتىنباعان تالايلار تايلى-تاياعى قالماي ءالى دە باعالى سۋ مارجانىنا, ونىڭ ونىمدەرىنە سۋىق قولىن سۇعۋدا. بۇعان كەزدەيسوق اتىراۋلىق ءبىر تۇرعىننىڭ كولىگىنەن 10 كيلو قارا ۋىلدىرىقتىڭ تابىلۋى دالەل بولا الادى. بۇل اقپاراتتى العان قۇقىق قورعاۋ ورگاندار وكىلدەرى الگى «نيۆا اۆتوكولىگىن توقتاتىپ, جۇك سالعىشىنان 20 پلاستيكالىق قۇتىعا سالىنعان باعالى بەكىرە بالىعىنىڭ ۋىلدىرىعىن تاپتى. بىلەتىندەردىڭ ايتۋىنشا, 10 كيلو قارا ۋىلدىرىقتىڭ قارا بازارداعى باعاسى 1 ميلليون تەڭگەدەن اسادى ەكەن. ال تاياۋدا عانا اياقتالعان «بەكىرە-2014» بالىق قورىن قورعاۋ شاراسىندا زاڭسىز بالىق قورىنا قول سۇعۋشىلاردان 27 توننا باعالى بالىق تۇرلەرى مەن 18 كيلو قارا ۋىلدىرىق تاركىلەنگەن كورىنەدى.
سوندا, الگى جوعارىدا ايتىلعانداي, باعالى بالىققا سالىنعان تىيىم قايدا قالعان, ەگەر توننالاعان باعالى بالىق تۇرلەرى قولدى بولىپ جاتسا...
جولداسبەك شوپەعۇل,
«ەگەمەن قازاقستان».
اتىراۋ وبلىسى.