سينوپتيكتەر قازاقستاندا 11-13 اقپانعا ارنالعان اۋا رايى بولجامىن ۇسىندى, دەپ حابارلايدى Egemen.kz.
سينوپتيكتەردىڭ مالىمەتىنشە, ەلىمىزدە تۇراقسىز اۋا رايى ساقتالادى. 11 اقپاندا تۇركىستان وبلىسىندا, 11-12 اقپاندا جامبىل وبلىسىندا وتە قاتتى جەل سوعادى, ەكپىنى 30 م/س. رەسپۋبليكادا تۇمان كۇتىلەدى, باتىستا, وڭتۇستىكتە, وڭتۇستىك-شىعىستا كوكتايعاق بولادى.
«تەمپەراتۋرالىق فوننىڭ كۇرت وزگەرۋى كۇتىلمەيدى, تەك تۇندە شىعىستا 17-25 گرادۋسقا دەيىن, وڭتۇستىك-شىعىستا 10-25 گرادۋس ايازعا دەيىن, رەسپۋبليكانىڭ وڭتۇستىگىندە كۇننىڭ سوڭىنا قاراي اۋا تەمپەراتۋراسىنىڭ تومەندەۋى كۇتىلەدى. كۇندىز اۋا تەمپەراتۋراسى 5 گرادۋس ايازدان 3 گرادۋسقا دەيىن كوتەرىلەدى», دەلىنگەن قازگيدرومەت حابارلاماسىندا.