2023 جىلدىڭ ناۋرىز ايىندا قازاقستاندىقتار مەرەكە جانە دەمالىس كۇندەرىن قوسا العاندا بارلىعى 12 كۇن دەمالادى, دەپ حابارلايدى Egemen.kz.
الداعى ايدا ەكى رەسمي مەرەكە – حالىقارالىق ايەلدەر كۇنى جانە ناۋرىز مەرەكەسى تويلانادى.
بيىل 8 ناۋرىز حالىقارالىق ايەلدەر مەيرامى سارسەنبىگە سايكەس كەلەدى. بۇل كۇنى قازاقستاندىقتار ءبىر كۇن دەمالادى.
ناۋرىز مەيرامى 21-23 ناۋرىز ارالىعىندا اتالىپ وتەدى. بيىل مەرەكە سەيسەنبى, سارسەنبى جانە بەيسەنبى كۇندەرىنە ءتۇسىپ تۇر. سول سەبەپتى قازاقستاندىقتار 3 كۇن قاتارىنان دەمالادى.
بۇل اپتادا تەك دۇيسەنبى مەن جۇما كۇندەرى جۇمىس كۇندەرى بولىپ ەسەپتەلەدى. ەشقانداي اۋىستىرۋلار جوق. وسىلايشا قازاقستاندىقتار ناۋرىز ايىندا 12 كۇن دەمالادى.