«قازاقستان حالقىنا» قوعامدىق قورى اۋىر جانە ورفاندىق سىرقاتى بار ازاماتتاردى ءدارى-دارمەكپەن قامتاماسىز ەتۋدى جالعاستىرىپ جاتىر. وتكەن جىلدان بەرى قور اۋىر, سيرەك (ورفاندىق) ومىرگە قاۋىپ توندىرەتىن جانە سوزىلمالى دەرتى بار 131 ناۋقاسقا (ونىڭ ىشىندە 100-ءى بالا) 15,5 ملرد تەڭگەدەن استام سوماعا ءدارى ساتىپ الدى, دەپ حابارلايدى Egemen.kz.
ونىڭ ىشىندە ونكولوگيالىق اۋرۋى بار 24 ادام جالپى سوماسى 2 ملرد 271 ملن تەڭگەگە «كيترۋدا», «لوربرەنا», «الۋنبريگ», «ريبوتسيكليب», «اتەزوليزۋماب», «لەنۆيما», «كيسكالي», «كارزيبا» پرەپاراتتارىمەن قامتاماسىز ەتىلدى. سونداي-اق «كوسەلۋگو» ءدارىسى بويىنشا شارت جاسالىپ, 3 بالاعا جەتكىزىلەدى دەپ جوسپارلانعان.
مىسالى, 2 ملرد تەڭگەگە نەيروبلاستوما دياگنوزى قويىلعان 13 بالاعا «دينۋتۋكسيماب بەتا» («كارزيبا») ءدارىسى الىندى. ونىڭ ىشىندە وڭىرلەردەن 9 بالا الماتى قالاسىنداعى پەدياتريا جانە بالالار حيرۋرگياسى عىلىمي ورتالىعىندا (پبحعو) جانە استانا قالاسىندا «University Medical Center» كورپوراتيۆتىك قورىنىڭ ونكولوگيا بولىمىندە 4 بالا تارگەتتىك يممۋنوتەراپيا الادى.