تاياۋدا يۋنەسكو «ادام جانە بيوسفەرا» باعدارلاماسىنىڭ (ماب) حالىقارالىق ۇيلەستىرۋ كوميتەتىنىڭ 26-سەسسياسىنىڭ شەشىمىمەن قازاقستاندىق ەكى تابيعي رەزەرۆاتقا «يۋنەسكو بيوسفەرالىق رەزەرۆاتى» حالىقارالىق مارتەبەسى بەكىتىلدى. ولار «قاتونقاراعاي» مەملەكەتتىك ۇلتتىق تابيعي پاركى مەن «اقجايىق» بيوسفەرالىق اۋماعى. ەكى ەرەكشە قورعالاتىن تابيعي اۋماقتار يۋنەسكو بۇكىلالەمدىك بيوسفەرالىق رەزەرۆاتتار جۇيەسىنە ەنگىزىلگەن.
يۋنەسكو حالىقارالىق ساراپشىلارى قازاقستان ۇكىمەتىنىڭ, ماب ۇلتتىق كوميتەتىنىڭ جانە قر يۋنەسكو جانە يسەسكو ىستەرى ءجونىندەگى ۇلتتىق كوميسسياسىنىڭ اتالعان نوميناتسيالاردى پىسىقتاۋداعى كۇش-جىگەرىن وتە جوعارى باعالادى.
وسىلايشا, قازىرگى تاڭدا قازاقستاندا 4 يۋنەسكو بيوسفەرالىق رەزەرۆاتى جۇزەگە اسىرىلۋدا. قورعالجىن جانە الاكول نوميناتسيالارى 2012-2013 جىلدارى يۋنەسكو بيوسفەرالىق رەزەرۆاتتارى مارتەبەسىن الدى. بۇكىلالەمدىك بيوسفەرالىق رەزەرۆاتتار جۇيەسىنە ەنۋ تاماشا تابيعاتتىڭ ساقتالۋىنا, سونداي-اق, قازاقستاننىڭ ەكونوميكاسى مەن تۋريستىك الەۋەتىن دامىتۋعا ىقپال جاسايدى.
«ەگەمەن-اقپارات».