جىبەك قۇلامباەۆا مەن گوزال اينيتدينوۆا جۇپتىق سىندا ءۇندىستاننىڭ پۋنا قالاسىندا ءوتىپ جاتقان ITF W40 ءتۋرنيرىنىڭ جارتىلاي فينالىنا ءوتتى, دەپ حابارلايدى Egemen.kz.
قازاقستاندىق جۇپ شيرەك فينالدا دودانىڭ 4-راكەتكالارى, وزبەكستاندىق نيگينا ابدۋرايموۆا – تايبەيلىك ەن-شۋ لانگپەن شەبەرلىك بايقاستى.
وزبەكستاندىق-تايبەيلىك دۋەت ءبىرىنشى پارتيادا 6:2 ەسەبىمەن باسىم ءتۇستى. الايدا ەكىنشى سەتتە 1:2 ەسەبىمەن ۇتىلىپ جاتقان ساتتە ماتچتى جالعاستىرۋدان باس تارتتى.
وسىلايشا قۇلامباەۆا مەن اينيتدينوۆا جارتىلاي فينالعا جولداما الدى. ولاردىڭ كەلەسى قارسىلاستارى كەيىن انىقتالادى.