2023 جىلدان باستاپ قازتەست سەرتيفيكاتتارى قر عجبم ۇلتتىق تەستىلەۋ ورتالىعىنىڭ certificate.testcenter.kz سايتى ارقىلى ەلەكتروندى فورماتتا بەرىلەدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
قازتەست ەلەكتروندى سەرتيفيكاتىندا الۋشىنىڭ دەرەكتەرى, جيناعان بالى, جارامدىلىق مەرزىمى جانە QR-كودى كورسەتىلەدى, ونى سكانەرلەۋ ارقىلى قۇجاتتىڭ تۇپنۇسقالىعىن تەكسەرۋگە بولادى.
«بۇعان دەيىن قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكات قاعاز تۇرىندە بەرىلەتىن. ەندى دوكتورانتۋراعا تۇسۋشىلەر, «بولاشاق» باعدارلاماسىنىڭ ۇمىتكەرلەرى جانە باسقالارى قازتەست سەرتيفيكاتتارىن ەلەكتروندى فورماتتا الاتىن بولادى. الايدا جارامدىلىق مەرزىمى وتپەگەن قاعاز نۇسقاداعى سەرتيفيكاتتاردىڭ جارامدىلىعى ساقتالادى», دەپ اتاپ ءوتتى ۇتو ديرەكتورى رۋسلان ەمەلباەۆ.