مەملەكەت باسشىسى قاسىم-جومارت توقاەۆتىڭ بىرىككەن اراب امىرلىكتەرىنە رەسمي ءىسساپارى اياسىندا قر يندۋستريا جانە ينفراقۇرىلىمدىق دامۋ مينيسترلىگى امىرلىكتەر تاراپىمەن تەڭىز ايلاقتارىنىڭ ينفراقۇرىلىمىن دامىتۋ مەن اۋە قاتىناسى سالاسىنداعى ارىپتەستىكتى نىعايتۋعا باعىتتالعان مەموراندۋمدارعا قول قويدى, دەپ حابارلايدى Egemen.kz.
قازاقستان مەن ءباا اراسىنداعى ەكونوميكالىق بايلانىستى نىعايتۋ ماقساتىندا, ونىڭ ىشىندە كولىك-لوگيستيكا سالاسىنداعى ارىپتەستىكتى ارتتىرۋ ءۇشىن قازىر Abu Dhabi Ports كومپانياسىمەن تەڭىز پورتتارىنىڭ ينفراقۇرىلىمىن دامىتۋ بويىنشا بىرلەسكەن جوبالاردى جۇزەگە اسىرۋ كوزدەلىپ وتىر. وسى باعىتتاعى جۇمىستى ءتيىمدى ىسكە اسىرۋ ءۇشىن مينيسترلىك Abu Dhabi Ports-پەن ءوزارا تۇسىنىستىك تۋرالى ۋاعدالاستىققا قول جەتكىزدى.
سوعان سايكەس اتالعان كومپانياعا كونتەينەرلىك حاب پەن قۇرىق پورتىندا «سارجا» كوپ قىزمەتتى تەرمينالىن سالۋ, سونداي-اق كەمە شىعارىپ, جوندەيتىن زاۋىتتىڭ قۇرىلىسىنا بايلانىستى جوبالار ۇسىنىلدى.
«تاياۋدا Abu Dhabi Ports-تىڭ باسشىسى مۇحاممەد ءال-شامسيمەن ونلاين رەجىمدە كەلىسسوزدەر جۇرگىزىپ, ونىڭ ناتيجەسىندە امىرلىكتەر تاراپى قۇرىق پورتىن دامىتۋعا قىزىعۋشىلىق تانىتىپ وتىرعانى بەلگىلى بولدى. سونداي-اق ءباا-مەن «قازاقتەڭىزكولىكفلوتى» ۇتكقك» جشس-نە 2 تانكەردى بەرۋ بويىنشا دا كەلىسسوزدەر جۇرگىزىلىپ جاتىر. جوعارىدا ايتىلعان جوبانى ىسكە اسىرۋ ءۇشىن Abu Dhabi Ports – «قازمۇنايگاز» – «قازاقتەڭىزكولىكفلوتى» اراسىندا بىرلەسكەن كاسىپورىندى قۇرۋ جوسپارلانعان», دەدى قر يندۋستريا جانە ينفراقۇرىلىمدىق دامۋ ءمينيسترى مارات قاراباەۆ.
سونداي-اق قر پرەزيدەنتى قاسىم-جومارت توقاەۆتىڭ ساپارى كەزىندە ەلىمىزدىڭ ۇشۋ گەوگرافياسىن كەڭەيتۋمەن بىرگە ءباا اراسىنداعى اۋە قاتىناستى ودان ءارى نىعايتۋ ءۇشىن ەكى ەلدىڭ اۆياتسيالىق بيلىكتەرى اۆياتسيالىق قاتىناس تۋرالى ۆەدومستۆوارالىق مەموراندۋمعا قول قويدى. قازىرگى تاڭدا قازاقستان مەن بىرىككەن اراب امىرلىكتەرى اراسىندا 8 باعىت بويىنشا اپتاسىنا 60 رەيس ورىندالىپ كەلەدى. اۋە تاسىمالىن Fly Dubai, Air Arabia, Wizz Air Abu Dhabi مەن وتاندىق «ەير استانا» كومپانياسى ىسكە اسىرىپ كەلەدى. بۇل باعىتتاعى ارىپتەستىك رەيستەردىڭ جيىلىگى مەن مەجەلى پۋنكتتەردىڭ شەكتەۋىن قاراستىرمايتىن ءوزارا تۇسىنىستىك تۋرالى مەموراندۋمنىڭ نەگىزىندە جۇزەگە اسىرىلىپ جاتقانىن ايتا كەتەيىك.
بۇدان بولەك اراب مەملەكەتىمەن ونەركاسىپ سالاسىندا دا جەمىستى ارىپتەستىك ورناعان. ايتالىق, قازىر پاۆلودار وبلىسىندا Canarax ء(باا) كومپانياسى تەحنيكالىق كرەمنيدى وندىرەتىن زاۋىتتى سالۋعا بايلانىستى جوبانى ءساتتى ىسكە اسىرىپ كەلەدى.
«قازىر اتالعان زاۋىتتىڭ جوبالاۋ-سمەتالىق قۇجاتتاماسى دايىن. مەملەكەتتىك ساراپتاما وسى جىلدىڭ باسىندا جۇرگىزىلەدى دەپ كوزدەلگەن. قۇرىلىس-مونتاج جۇمىستارى الداعى اقپان ايىندا باستالادى دەپ جوسپارلانىپ وتىر. كاسىپورىن 2024 جىلى ىسكە قوسىلۋى ءتيىس», دەدى م.قاراباەۆ.