2023 جىلى «بولاشاق» حالىقارالىق ستيپەندياسىن تاعايىنداۋ كونكۋرسىنا قاتىسۋعا قۇجاتتار قابىلداۋ ءتورت كەزەڭنەن تۇرادى. قۇجات قابىلداۋدىڭ العاشقى كەزەڭى بيىل 27 قاڭتارعا دەيىن جالعاسادى, دەپ حابارلايدى Egemen.kz.
ەكىنشى كەزەڭ – 2023 جىلعى 3 ءساۋىر مەن 28 ءساۋىر ارالىعىندا, ودان كەيىن 5 ماۋسىم مەن 7 شىلدە ارالىعىندا جانە 17 شىلدە مەن 15 قىركۇيەك ارالىعىندا جۇرگىزىلەدى.
كونكۋرستىق ىرىكتەۋ 2023 جىلعى 20 قاڭتار مەن 31 جەلتوقسان ارالىعىندا وتەدى. وتىنىمدەر Egov.kz مەملەكەتتىك قىزمەتتەر پورتالى ارقىلى قابىلدانادى. بيىل ماگيستراتۋرا جانە رەزيدەنتۋرا باعدارلامالارىنا 395 ستيپەنديا, دوكتورانتۋراعا 50 ستيپەنديا, تاعىلىمدامادان ءوتۋ ءۇشىن 110 ستيپەنديا ءبولىندى.
ۇسىنىلاتىن جوو-لار ءتىزىمى الەمنىڭ 27 ەلىنەن 236 ۋنيۆەرسيتەتتى قامتيدى. باسىم ماماندىقتار تىزبەسىنە 262 ماماندىق كىردى.