حالىقتىڭ تىلەگى

كەزدەسۋگە سالاعا جاۋاپتى وڭىرلىك باسقارمالار مەن دەپارتامەنت باسشىلارى, اۋدان جانە قالا اكىمدەرىنىڭ ورىنباسارلارى, جەرگىلىكتى شارۋالار, سونداي-اق باق وكىلدەرى قاتىستى. الدىمەن وبلىستىق اۋىل شارۋاشىلىعى باس­قار­ماسى باسشىسىنىڭ ۋاقىتشا مىندەتىن اتقارۋشى ن.مىرزاح­مەتوۆتىڭ 2022 جىلى اتقارىلعان جۇمىستارى تۋرالى ەسەبى تىڭدالدى.

بايانداماشىنىڭ ايتۋىنشا, اۋىل شارۋاشىلىعى سالاسىندا ايتارلىقتاي ءوسىم بار. ونىڭ ىشىندە ەگىن جانە مال شارۋاشىلىعى, ەت ەكسپورتى بويىنشا تۇركىستان ءوڭىرى جەتەكشى ورىندا. 2022 جىلدىڭ 11 ايىندا اۋىل شارۋاشىلىعىندا جالپى ءونىم كولەمى 996,3 ملرد تەڭگەنى قۇراپ, 101,2 پايىزعا ارتتى. رەسپۋبليكاداعى ۇلەسى 11,4 پايىز, ياعني 3 ورىندا تۇر. اۋىل شارۋاشىلىعى داقىلدارى 859,9 مىڭ گەكتارعا ەگىلىپ, ەگىس كولەمى وتكەن جىلمەن سالىستىرعاندا 14,4 مىڭ گەكتارعا ۇلعايعان.

سونداي-اق ن.مىرزاحمەتوۆ شەشىمىن كۇتكەن ماسەلەلەرگە دە توقتالدى. تۇركىستان وبلىسى رەسپۋبليكا بويىنشا ماقتا وسىرەتىن جالعىز ايماق. ونى ءارى قاراي دامىتۋ ءۇشىن ينۆەستيتسيالىق سۋبسيديالاۋ باعدارلاماسىنا ء«شيتتى ماقتانى وڭدەۋ, تەرەڭ قايتا وڭدەۋ كاسىپورىندارىن قۇرۋ جانە كەڭەيتۋ» پاسپورتىن ەنگىزۋ, سالىمداردى وتەۋ ۇلەسىن 50 پا­يىز سۋبسيديالاۋدى قاراستىرۋ, توزىعى جەتكەن قۇرال-جابدىقتاردى جاڭارتۋ قاجەت. سالانىڭ وزگە دە باعىتتارىندا شارۋالاردى قولداۋ بويىنشا شارالار جانە تاريفتەردى تومەندەتۋدى ۇسىندى.

بۇدان كەيىن ءسوز العان شارۋا­لار دا سالاداعى كەمشىلىكتەردى اتاپ, كۇن پانەلدەرى مەن ۇڭعى­ماعا سۋبسيديا بەرۋ, اعىن سۋ تاپ­شى­لىعىن شەشۋ, جايىلىم, ونىم­دەردى ەكسپورتتاۋعا قولداۋ كور­سەتۋ جونىندە ۇسىنىستارىن ءبىل­دىردى. جيىندا وبلىستىق جەر قا­تى­ناستارى باسقارماسىنىڭ باسشىسى ە.تىلەگەن ورتاق جايىلىممەن قامتاماسىز ەتۋ بارىسى تۋرالى بايانداپ, ساۋالدارعا جاۋاپ بەردى. دەپۋتات ق.اباسوۆ شارۋالار مەن جەرگىلىكتى اتقارۋشى بيلىك وكىلدەرىن تىڭداي كەلە كوتەرىلگەن ماسەلەلەردى داۋ-دامايسىز بىرلەسىپ شەشۋگە ۇندەدى.

«بۇگىن وزەكتى ماسەلەلەردى تالقىلادىق. ولاردى شەشۋ ءۇشىن ەڭ اۋەلى قارجىلاندىرۋ, مۇنان سوڭ جەڭىل جانە تاماق ونەركاسىبىن دامىتۋدى كۇشەيتۋ, قاجەتتى تەحنيكامەن قامتاماسىز ەتۋ, جەردى ءتيىمدى پايدالانۋ جۇيەسىن جەتىلدىرۋ كەرەك. ازىق-ت ۇلىك ونىمدەرىنىڭ باعاسىن دۇكەننىڭ سورەسىندە رەتتەۋ مۇمكىن ەمەس. ونىڭ شەشىمى – ءوندىرىس ورىندارىن كوبەيتۋ. پروبلەمالاردى مينيسترلىكتەر مەن ءتيىستى قۇزىرەتتى ورگاندار الدىندا كوتەرىپ كەلەمىن. سىزدەردىڭ ۇسىنىستارىڭىز ناقتى بولعانى ءجون. بۇل دەپۋتاتتىق ساۋالنامانى جولداۋدا ساراپتاۋ جانە بيۋدجەتتى جوسپارلاۋ بارىسىندا ءوز تيىمدىلىگىن كورسەتەدى. قاجەتتىلىك تۋىنداسا جاۋاپتى مينيسترمەن وڭىرگە ارنايى كەلىپ, بەتپە-بەت جۇزدەستىرۋگە دايىنمىن. بارلىق پروبلەما «اmanat» پارتياسىنىڭ جول كارتا­سىنا ەنگى­زىلسە, ەڭ الدىمەن مەم­لەكەت باسشىسى, كەيىن ۇكىمەت پەن دە­پۋتاتتاردىڭ ياعني, ءۇش جاق­تى قاداعالاۋدا بولادى. زاڭ شىعا­راتىن دەپۋتات بولسا, ال دەپۋتاتقا جول سىل­تەيتىن – حالىق», دەدى ق.ابا­سوۆ.

سونداي-اق جيىن بارىسىندا «اۋىل اماناتى» پارتيالىق جوباسى مەن «جەر اماناتى» كوميسسياسىنا دا قاتىستى جايلار تالقىلانىپ, كۇن تارتىبىندەگى ماسەلە بويىنشا ۇسىنىستار حاتتاماعا ەنگىزىلدى. ءىس-شارا سوڭىندا قاتىسۋشىلار قويان-قولتىق جۇمىس اتقارۋعا ۋاعدالاستى.