پارلامەنت ءماجىلىسىنىڭ قاڭتار ايىنداعى وقيعالارعا ارنالعان پلەنارلىق وتىرىسىندا پرەمەر-ءمينيستردىڭ ءبىرىنشى ورىنباسارى رومان سكليار قيراعان عيماراتتار قاشان قالپىنا كەلتىرىلەتىنىن ايتتى, دەپ حابارلايدى Egemen.kz.
پرەمەر-ءمينيستردىڭ ورىنباسارى اتاپ وتكەندەي, قاڭتار ايىنداعى تارتىپسىزدىكتەر ەلدىڭ 8 وڭىرىندەگى 42 مەملەكەتتىك عيماراتقا زاقىم كەلتىرگەن.
«ولاردىڭ ءبىرى - پرەزيدەنتتىڭ الماتىداعى رەزيدەنتسياسى. وزدەرىڭىز بىلەتىندەي, ول نىسان قالپىنا كەلتىرىلمەيدى. وسى 41 نىساندى قالپىنا كەلتىرۋ ءۇشىن بۇگىندە 31 ميلليون 100 ميلليون تەڭگە بولىنگەن. 37 نىسان قالپىنا كەلتىرىلدى, وسى ايدا جەتىسۋ وبلىسى اكىمىنىڭ عيماراتى قالپىنا كەلتىرىلەدى. ال ناۋرىز ايىندا الماتىداعى باس پروكۋراتۋرانىڭ قۇقىقتىق ستاتيستيكا ورتالىعىنىڭ عيماراتى مەن الماتى اكىمى عيماراتى قالپىنا كەلتىرىلەدى», دەپ ناقتىلادى رومان سكليار.
ونىڭ ايتۋىنشا, الماتىداعى تەلەراديوكەشەن قايتا قالپىنا كەلتىرۋگە جاتپايدى.
سونداي-اق رومان سكليار 350 كوممەرتسيالىق نىسان زارداپ شەككەنىن قوسا ايتتى.
«بۇگىندە بارلىق كوممەرتسيالىق نىسان قالپىنا كەلتىرىلدى. 1789 كاسىپكەرلىك سۋبەكتىسى زالالدى تىكەلەي وتەۋگە ءوتىنىم بەردى. شاعىن جانە ورتا بيزنەس وبەكتىلەرىنە كەلتىرىلگەن زالال 16 ميلليارد 700 ميلليون تەڭگە كولەمىندە وتەلدى», دەدى ر. سكليار.