دەپۋتاتتار سەناتور ءالي بەكتاەۆتىڭ توراعالىق ەتۋىمەن وتكەن اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا بىرقاتار زاڭ جوباسىن قارادى, دەپ حابارلايدى Egemen.kz.
«قازاقستان رەسپۋبليكاسىنىڭ قىلمىستىق جانە قىلمىستىق-پروتسەستىك كودەكستەرىنە ەكولوگيالىق قۇقىق بۇزۋشىلىقتار جانە ۆانداليزم كورىنىستەرى ءۇشىن جاۋاپتىلىقتى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ نەگىزگى ماقساتى – قۇقىق بۇزۋشىلاردى اكىمشىلىك جانە قىلمىستىق قۋدالاۋدى كۇشەيتە وتىرىپ, قازاقستاننىڭ تابيعي بايلىعىن قورعاۋدى كوزدەيتىن قۇقىقتىق شارالاردى ازىرلەۋ جونىندەگى پرەزيدەنتتىڭ جارلىعىمەن بەكىتىلگەن جالپىۇلتتىق ءىس-شارالار جوسپارىن جۇزەگە اسىرۋ. زاڭ جوباسىندا قازاقستاننىڭ ۇلتتىق پاركتەرى مەن باسقا دا تابيعي بايلىقتارىن ەكولوگيالىق زالالدان, سونىڭ ىشىندە: جەردىڭ ب ۇلىنۋىنەن, اعاشتاردىڭ زاڭسىز كەسىلۋىنەن, ەرەكشە قورعالاتىن تابيعي اۋماقتاردى پايدالانۋ ءتارتىبىنىڭ بۇزىلۋىنان, جەر قويناۋىن ءوز بەتىنشە پايدالانۋدان جانە قورشاعان ورتاعا قوعامدىق قاۋىپ توندىرەتىن باسقا دا ءىس-ارەكەتتەردەن قورعايتىن قۇقىقتىق نورمالاردى بەلگىلەۋ كوزدەلىپ وتىر.
«قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ەكولوگيالىق قۇقىق بۇزۋشىلىقتار جانە ۆانداليزم كورىنىستەرى ءۇشىن اكىمشىلىك جاۋاپتىلىقتى كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا ورمان, سۋ, جەر زاڭناماسىنىڭ, ەرەكشە قورعالاتىن تابيعي اۋماقتاردىڭ, وسىمدىكتەر مەن جانۋارلار دۇنيەسىنىڭ تالاپتارىن بۇزعانى ءۇشىن لاۋازىمدى, جەكە جانە زاڭدى تۇلعالاردىڭ جاۋاپكەرشىلىگىن ارتتىرۋ, سونداي-اق وسى سالاداعى قۇقىققا قارسى ارەكەتتەر جاساعانى ءۇشىن جاڭا اكىمشىلىك ايىپپۇلدار ەنگىزۋ ماسەلەسى قاراستىرىلعان.
پارلامەنت دەپۋتاتتارى باستاماشىلىق ەتكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقى يت تۇقىمدارىن ساقتاۋ جانە ءوسىمىن مولايتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا تازى جانە توبەت قازاق يتتەرىنىڭ تۇقىمدارىن ساقتاۋ جانە ءوسىمىن مولايتۋ سالاسىنداعى جۇمىستى جۇزەگە اسىرۋدىڭ قۇقىقتىق, ۇيىمداستىرۋشىلىق جانە ەكونوميكالىق نەگىزدەرىن بەلگىلەۋ مىندەتى قويىلعان.
زاڭ جوبالارى پالاتانىڭ قاراۋىنا جىبەرىلدى.