استانادا زاڭدى تۇلعالار ءۇشىن جاڭا حالىققا قىزمەت كورسەتۋ ورتالىعى اشىلدى, دەپ حابارلايدى Egemen.kz.
بۇعان دەيىن زاڭدى تۇلعالار قىزمەت كورسەتۋ ءۇشىن قاراپايىم حقكو-لارعا جۇگىنىپ, جەكە تۇلعالارمەن بىرگە كەزەكتە تۇردى. حقكو جۇمىسىن وڭتايلاندىرۋ جانە ازاماتتاردىڭ قاناعاتتانۋشىلىعىن ارتتىرۋ ماقساتىندا زاڭ قىزمەتتەرى بويىنشا قىزمەت كورسەتۋ ءۇشىن جەكە حقكو اشۋ تۋرالى شەشىم قابىلداندى.
ورتالىق جاڭا جابدىقتارمەن جابدىقتالعان, كەلۋشىلەر ءۇشىن بارلىق قولايلى جاعدايلار جاسالعان.
ء«بىز زاڭدى تۇلعالارعا كەزەكتە تۇرماي جەكە تۇلعالاردان بولەك قىزمەت كورسەتۋ ىڭعايلى بولاتىنىن تۇسىندىك. ءبىز ءار كليەنتتىڭ ۋاقىتىن باعالايمىز. ەندى زاڭدى تۇلعاعا اقىلى نەگىزدە بولەك قىزمەت كورسەتۋگە بولادى», دەپ ءتۇسىندىردى مەملەكەتتىك كورپوراتسيانىڭ باسقارما توراعاسى سۇيەنىش ءابدىلدين.
ونىڭ ايتۋىنشا, كەلەسى جىلى بۇكىل قازاقستان بويىنشا زاڭدى تۇلعالار ءۇشىن حقكو-لار اشۋ جوسپارلانۋدا.