تابىستىڭ جاڭا مۇمكىندىكتەرى

– Silkway Accelerator جوباسى­نىڭ ەكىنشى كەزەڭى ءساتتى اياقتالدى. ستار­تاپتار ۇلكەن جۇمىس اتقاردى: بي­زنەس-جوسپارلارى مەن ەكسپورت نارىعىن قايتا قاراستىرىپ, جاڭا كليەنتتەرمەن كەلىسىمشارتتار جاسادى, اۋديتورياcىن كەڭەيتىپ, كى­رىستەرى ءوستى. باعدارلامانىڭ وڭ نا­تي­جەسى ونىڭ تيىمدىلىگىن كورسەتىپ وتىر, – دەدى Astana Hub باس ديرەكتورى ماعجان ماديەۆ.

ماسەلەن, باعدارلاما ناتيجە­سىندە Biometric بيومەتريالىق دە­رەكتەردى تەكسەرەتىن ديجيتال ون­بوردينگ جانە KYC سەرۆيسىنىڭ ايلىق تابىسى 2 ملن تەڭگەدەن 23 ملن تەڭگەگە دەيىن ءوستى.

دەمەنتسيانىڭ باستاپقى بەل­گىلەرى مەن قاۋپىن انىقتايتىن نەي­روكوگنيتيۆتى سىناققا نەگىز­دەلگەن myMind ۆيرتۋالدى كلينيكاسى قازاقستاننىڭ ەڭ ءىرى كلينيكالىق-دياگنوستيكالىق زەرتحاناسىمەن كەلىسىمشارت جاساستى. سونداي-اق قىرعىزستاننىڭ نارىعىنا شىقتى. تالداۋلارعا تۇسىنىكتەمە بەرەتىن جاڭا ءونىم, سونداي-اق وفلاين-ءونىم جاساپ, ەكى ءدارىحانا جەلىسى ارقىلى تاراتۋ كەلىسىمىنە قول جەتكىزدى.

دۇكەندەر مەن مەيرامحانالارعا «ساعاتتىق قىزمەتكەرلەر» ۇسى­نا­تىن EasyTap ونلاين سەرۆيسىنىڭ قۇنى 4 ملن تەڭگەدەن 15 ملن تەڭگەگە ارتتى, ال ستارتاپتىڭ ايلىق تابىسى 20 مىڭ دوللاردان 40 مىڭ دوللارعا ءوستى. سونىمەن قاتار كوم­پانيا شتاتىنىڭ 19 ادامنان 9 ادامعا قىسقارعانىنا قاراماستان, تيىمدىلىگى ارتىپ, 14 جاڭا سەرىكتەس قوسىلدى. ال قىزمەت كورسەتۋ مارجاسى 5 پايىزدان 15 پايىزعا دەيىن ءوستى. قولدانبالاردى پايدالانۋشىلار سانى نولدىك ماركەتينگتىك بيۋدجەتپەن 5 500-دەن 10 مىڭعا دەيىن ۇلعايعان.

– مەن ءبىرىنشى رەت ەكى باتچتى بىرىنەن سوڭ ءبىرىن دايىندادىم. راسىن ايتسام, وڭاي تيگەن جوق. جو­بانى باستاپ, ءساتتى جۇزەگە اسىر­عان بۇكىل اكسەلەراتور كوماندا­سىنا جانە مينيسترلىككە العىس ايتامىن. بارلىق ستارتاپ پەن قۇ­رىلتايشىلارعا ساتتىلىك تىلەيمىن. كوپ ەڭبەك ەتىپ, ۇلكەن جولعا تۇستى­ڭىزدەر. جاقسى ناتيجەلەر مەن جەتىستىكتەر تىلەيمىن, – دەيدى Silkway Accelerator جۇرگىزۋشىسى, ونىم­دەردى, قىز­مەتتەردى جانە كوم­­پانيالاردى ازىرلەۋ, دامىتۋ ءارى نارىققا شىعارۋ بويىنشا حا­لىق­ارالىق كەڭەسشى الىشەر حاسانوۆ.

اكسەلەراتور اياسىندا Neuron Oil باعدارلامالىق كەشەنىنىڭ نەگىزىن قالاۋشىلار ساتۋ تسيكلىن 18 ايدان 3 ايعا دەيىن قىسقارتتى, 50 مىڭ دوللارعا الدىن الا كەلىسىم جاساستى. ءساتتى جۇزەگە اسسا, 450 مىڭ دوللارعا نەگىزگى شارت جاسالادى.

گۇل ونىمدەرىن ساتىپ الۋشىلار مەن ساتۋشىلاردى بايلانىس­تىراتىن Floboom ونلاين پلاتفور­ماسى اكسەلەراتور كەزىندە اقش-تا زاڭدى تۇلعا قۇرىپ, نيۋ-يورك­تەگى العاشقى فلوريستەردى قوس­تى, ءونىم­دى جەرگىلىكتى نارىققا شى­عاردى.

تۇتىنۋشىنى تۇراقتاندىرۋ قىزمەتى Flowsell.me كليەنتتەردىڭ كەتۋىن 8 پايىزدان 4 پايىزعا دەيىن تومەندەتتى جانە ساتىلىمداردى 30 پايىزعا ارتتىردى.

InStroy قۇرىلىس-جوندەۋ ساۋدا الاڭى 3 ملن تەڭگەگە العاشقى ساتىلىم جاساپ, تاۋار اينالىمىن 30 ملن تەڭگەگە ءوسىردى.

اكسەلەراتور كەزىندە «داۆاي سحوديم» كومپانياسى تابىسىن ەداۋىر ەسەلەپ, اكسەلەراتوردىڭ 3 ايىندا 141 ملن تەڭگە پايدا تاپتى, ال الدىڭعى 8 ايداعى تابىسى نەبارى 170 ملن تەڭگە بولاتىن. كوم­پانيانىڭ بيلەت ساتۋ قىزمەتى اي سايىنعى تۇراقتى تابىسىن 15 ملن تەڭگەدەن 50 ملن تەڭگەگە دەيىن ارتتىرىپ, مەدياكەڭىستىكتەن تۇسكەن تابىس 30 ملن-نان 40 ملن تەڭگەگە دەيىن وسكەن.

– بۇعان دەيىن ءبىز اكسەلەراتسيا باعدارلامالارىنا قاتىسقان جوقپىز, سوندىقتان ءبىزدىڭ كومپانيا نەنى جاقسارتۋ كەرەك جانە قالاي كە­ڭەيتۋ قاجەت دەگەن تالقىلاۋلار بولادى دەپ ويلادىق. بىراق ەڭ باس­تىسى, سانانى وزگەرتۋ كەرەك ەكەن. جۇرگىزۋشى الىشەر ويىمىزدى وزگەرتۋ ارقىلى بىزگە جاقسى اسەر ەتتى. جاڭاشا كوزقاراسىمىز ونىم­دەرىمىزگە وڭ اسەرىن تيگىزدى. دۇ­نيەگە جانە ءبىزدىڭ ونىمگە دەگەن ويىمىز بەن كوزقاراسىمىزدىڭ وزگەرۋى بۇكىل ءومىرىمىزدى جاقسى ار­ناعا بۇرادى دەپ ويلايمىز. اك­سەلەراتوردان العان تاجىريبەمىز وسىنداي. جالپى, ءبىز unicorn-عا اي­نالماقپىز, – دەدى «داۆاي سحوديم» كومپانياسىنىڭ ديرەكتورى الىشەر تويگۋليەۆ.

Silkway Accelerator باعدارلا­ماسىنا قازاقستاندىق ستارتاپتار عانا قاتىسقان جوق. وزبەكستاندىق Avlo.shop شاعىن جانە ورتا بيزنەس­كە ارنالعان ينتەرنەت-دۇكەندەردى قۇرۋعا كومەكتەسەتىن SaaS پلاتفورماسى بيزنەس ۇلگىسىن وزگەرتتى. اي سايىنعى كىرىستى 570 دوللاردان 3 مىڭ دوللارعا دەيىن ارتتىردى, سونىمەن قاتار ءىرى شارتتار بويىنشا كەلىسسوزدەر جۇرگىزە باستادى.

تاجىكستاندىق نەوبانك Planet9 ستارتاپىنىڭ ساتىلىمى 0-دەن 70 مىڭ دوللارعا دەيىن ءوستى. كوم­­پانيا جاڭا نارىققا شىعۋ جۇمىستارىن باستادى جانە جاڭا كەلىسىمشارتتارعا قول قويدى.

موڭعوليالىق Metaver ميكرو­وقىتۋ پلاتفورماسى Silkway Accelerator كەزىندە ءۇندىستان نارى­عىنا شىقتى. 400 دوللار جۇمساپ, جالپى سوماسى 3 200 دوللارعا 800 ساتىلىمعا قول جەتكىزدى. اك­سەلە­راتورعا دەيىن ستارتاپ في­ليپپين نارىعىندا باق سىناپ كورگەن ەدى, الايدا 8 مىڭ دوللار جۇمساعانىمەن, ءبىر ساتىلىم دا بولماعان.

ازەربايجاندىق Metatesk ءبىلىم بەرۋ پلاتفورماسىنىڭ ايلىق تابىسى 4 مىڭ دوللاردان 18 مىڭ دول­لارعا, ستۋدەنتتەر سانى 200-دەن 260-قا ءوستى, سونداي-اق قىتاي نا­رى­عىنا شىقتى.

– بۇل باعدارلاماعا قاتىسۋ ءبىز ءۇشىن كەرەمەت تاجىريبە بولدى. مەن بارلىعىنا وسى اكسەلەراتورعا قاتىسۋعا كەڭەس بەرەمىن. بۇل – ءونىمدى ازىرلەۋدەن باستاپ باسقارۋ كەزە­ڭىنە دەيىن ءتۇرلى تاقىرىپتى قامتىپ, جۇمىس تاجىريبەسىن جي­ناۋدىڭ بىرە­گەي مۇمكىندىگى. قىتاي­داعى سا­تۋ كولەمىن ۇلعايتۋ­مەن قاتار, ءبىز اقش پەن افريكاعا شىعۋدى كوز­دەپ وتىرمىز, – دەپ جوسپارىمەن ءبو­لىستى Metatesk ديرەكتورى گيۋناي يمانزادا.

Silkway Accelerator باعدار­لاماسىنىڭ ەكىنشى لەگى بيىل 2 قىركۇيەكتە باستالىپ, وقىتۋدىڭ ءبىرىنشى لەگىندەگىدەي استانادا وفلاين تارتىپتە ءوتتى جانە ءۇش ايعا سوزىلدى. اكسەلەراتور قاتى­سۋشىلارى تالىمگەرلىكپەن قاتار, Astana Hub ماڭىندا تەگىن باس­پانا مەن جۇمىس ورنىنا يە بولىپ, Seed Money باعدارلاماسى بويىنشا 55 مىڭ دوللارعا دەيىن قارجىلاندىرۋعا مۇمكىندىك الدى.

ەسكە سالايىق, بيىل تسيفر­لىق دامۋ, يننوۆاتسيالار جانە اەرو­­عارىش ونەركاسىبى مينيستر­لى­گىنىڭ قولداۋىمەن Astana Hub تەح­نوپاركى Google for Startups باع­دار­لا­ماسىنىڭ ورتالىق ازياداعى ءبىرىن­شى سەرىكتەسى اتاندى. بيىل­دىڭ وزىندە باعدارلامانىڭ ەكى لەگى ءساتتى اياقتالدى. وعان ورتا­لىق ازيا ەلدەرىنەن, سونداي-اق ازەر­بايجان مەن موڭعوليادان ستار­تاپتار قا­تىستى.

Google for Startups – 2011 جىلى Google كورپوراتسياسى ىسكە قوسقان ستارتاپ باعدارلاماسى. ول 125 ەلدەگى 50-دەن استام كوۆوركينگ پەن اكسەلەراتوردان تۇرادى جانە بيزنەستى جاڭا باستاعان كاسىپ­كەرلەر ءۇشىن پراكتيكالىق ساباقتار ۇسىنادى.