بۇل تۋرالى استانادا ءوتىپ جاتقان ءبىرىنشى ورتا ازيا مەديا فورۋمى بارىسىندا قازاقستانداعى Internews Network وكىلدىگىنىڭ ديرەكتورى مارات بيعاليەۆ ايتتى, دەپ حابارلايدى Egemen.kz.
كەزەكتى پانەلدىك سەسسيا «تۇراقتى قوعامدى قالىپتاستىرۋداعى مەديانىڭ ماڭىزدى ءرولى» تاقىرىبىندا ءوتتى. سەسسياعا سپيكەر رەتىندە يۋنەسكو-نىڭ قازاقستانداعى, قىرعىزستانداعى جانە تاجىكستانداعى وكىلى ماگنۋس ماگنۋسسون, قازاقستانداعى بۇۇ-نىڭ ءباسپاسوز جانە كوممۋنيكاتسيالار جونىندەگى كەڭەسشىسى ەلنارا باينازاروۆا, ادام قۇقىقتارى جونىندەگى كەڭەسشى بۇۇ-نىڭ قازاقستانداعى تۇراقتى ۇيلەستىرۋشىسى كەڭەسشىسى سينەم كارا, قازاقستانداعى ەقىۇ باعدارلامالار كەڭسەسى باسشىسىنىڭ ورىنباسارى يۋري فەنوپەتوۆ, قازاقستانداعى Internews Network وكىلدىگىنىڭ ديرەكتورى مارات بيعاليەۆ قاتىستى.
ء«بىز حالىقتى ساپالى اقپارات كوزىمەن قامتاماسىز ەتۋ ءۇشىن جۇمىس ىستەپ جاتىرمىز. بىلىكتى جۋرناليستەر اقپارات تاراتۋ كەزىندە جاۋاپكەرشىلىكتى سەزىنۋى قاجەت. بۇگىنگى ءوتىپ جاتقان مەديا فورۋم جۋرناليستەردىڭ ءيميدجىن كوتەرۋگە مۇمكىندىك بەرەدى», دەدى مارات بيعاليەۆ.
سونداي-اق ول قازىر ۇلتتىق تىلدەگى كونتەنتكە سۇرانىس كوپ ەكەنىن اتاپ ءوتتى.
«جەرگىلىكتى كونتەنتتى دامىتىپ, قولداۋ ءبىلدىرۋىمىز كەرەك. قازىرگى تاڭدا ۇلتتىق تىلدەگى كونتەنتكە سۇرانىس كوپ. سونداي-اق ازاماتتىق جۋرناليستيكانى دا دامىتۋ قاجەت», دەدى ول.
سەسسيا مودەراتورى بەرىك ءۋاليدىڭ ايتۋىنشا, ورتالىق ازيا ەلدەرىندە اقپارات تاراتاتىن مەديا تاپشى.
«قازاقستاندا 5337, وزبەكستاندا 1690, قىرعىزستاندا 2000-نان استام اقپارات قۇرالدارى تىركەلگەن. دەگەنمەن ورتالىق ازيا ەلدەرىندە اقپارات تاپشى. بۇگىنگى وتكەن مەديافورۋم ناتيجەسىندە بۇل ولقىلىقتار دۇرىستالادى دەگەن ويدامىز», دەدى بەرىك ءۋالي.
ايتا كەتەيىك استانادا ەكى كۇنگە جوسپارلانعان ءبىرىنشى ورتا ازيا مەديا فورۋمى وتۋدە. وعان 100-دەن اسا شەتەلدىك ساياسي قايراتكەر مەن مەملكەتتىك ۇيىمداردىڭ وكىلدەرى قاتىسىپ جاتىر.