بۇگىن ۇكىمەت وتىرىسىندا ەنەرگەتيكا ءمينيسترى بولات اقشولاقوۆ 2023 جىلعا ارنالعان «قىزىل» ايماقتاعى جىلۋ ەلەكتر ورتالىعىنىڭ جابدىقتارىن كۇردەلى جوندەۋگە 182 ملرد تەڭگە قاجەت ەكەنىن ايتتى, دەپ حابارلايدى Egemen.kz.
ەنەرگەتيكا مينيسترلىگى باسشىسىنىڭ ايتۋىنشا, قىزىل ايماقتا ورنالاسقان جەو-لار ءۇشىن كەلەسى جىلىتۋ ماۋسىمىندا تاۋەكەلدەردى بارىنشا ازايتۋ ماقساتىندا نەگىزگى جابدىقتاردى كۇردەلى جوندەۋ, 98 قازاندىقتى, 54 تۋربينانى قايتا قۇرۋ, جاڭعىرتۋ جۇمىستارىنىڭ كولەمى انىقتالدى.
الدىن الا ەسەپتەۋلەر بويىنشا جوعارىدا اتالعان جۇمىستار 182 ملرد تەڭگە كولەمىندە قارجىلاندىرۋدى قاجەت ەتەدى, ىسكە اسىرۋ مەرزىمى 2023 جىل. ەلەكتر جانە جىلۋ ەنەرگياسىنا بەكىتىلگەن تاريفتەردى ەسكەرە وتىرىپ, ەنەرگيا ءوندىرۋشى ۇيىمداردى جوندەۋگە قاراستىرىلعان قاراجات 93 ملرد تەڭگەنى قۇرايدى.
«قازىرگى تاڭدا بەكىتىلگەن تاريفتەر اياسىندا ەلەكتر جانە جىلۋ ەنەرگياسىن ساتۋدان تۇسكەن ەلەكتر ستانتسيالارىنىڭ كىرىسى تولىق جوندەۋ جۇمىستارىنا كەتكەن شىعىندى وتەي المايدى. وسىلايشا, جەتكىلىكسىز قارجىلاندىرۋ كولەمى 88 ميلليارد تەڭگەنى قۇراپ وتىر», دەپ اتاپ ءوتتى ب. اقشولاقوۆ.
ول جوعارىدا اتالعان جۇمىستاردى جۇزەگە اسىرۋ ءۇشىن كوممۋنالدىق جانە كۆازيمەملەكەتتىك مەنشىكتەگى 12 جەو-نى مەملەكەتتىك بيۋدجەتتەن, ال 22 جەكە جەو-نى مەنشىك يەسىنىڭ ەسەبىنەن قارجىلاندىرۋ ۇسىنىلىپ وتىرعانىن ايتتى.
ەنەرگەتيكا مينيسترلىگىنىڭ حابارلاۋىنشا, مەملەكەت باسشىسىنىڭ تاپسىرماسىمەن قۇرىلعان ارنايى كوميسسيا اياسىندا جەو-نىڭ تەحنيكالىق جاعدايىن تالداۋ اياقتالدى. بۇگىندە ەلىمىزدە بار بولعانى 37 جەو بار, ونىڭ 19-ى قىزىل ايماققا, 11-ءى سارى ايماققا, جەتەۋى جاسىل ايماققا ەنگىزىلگەن.