شاعىن كاسىپكەرلىك سۋبەكتىلەرىن تەكسەرۋگە قاتىستى موراتوري ۇزارتىلدى

قاۋلى ەتەمىن:

1. «قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى №229 جارلىعىنا مىناداي وزگەرىستەر مەن تولىقتىرۋ ەنگىزىلسىن:

تاقىرىپ مىناداي رەداكتسيادا جازىلسىن:

«قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋدى بارىپ جۇرگىزۋگە موراتوري ەنگىزۋ تۋرالى»;

1-تارماقتا:

ءبىرىنشى ابزاتس مىناداي رەداكتسيادا جازىلسىن:

«1. ورتالىق مەملەكەتتىك جانە جەرگىلىكتى اتقارۋشى ورگاندار 2020 جىلعى  1 قاڭتاردان باستاپ 2024 جىلعى 1 قاڭتارعا دەيىن شاعىن كاسىپكەرلىك سۋبەكتىلەرىن, ونىڭ ىشىندە ميكروكاسىپكەرلىك سۋبەكتىلەرىن تەكسەرۋلەردى جانە پروفيلاكتيكالىق باقىلاۋدى بارىپ جۇرگىزۋدى توقتاتسىن, وعان مىنالار قوسىلمايدى»;

مىناداي مازمۇنداعى 2-1) تارماقشامەن تولىقتىرىلسىن:

«2-1) قازاقستان رەسپۋبليكاسىنىڭ كاسىپكەرلىك كودەكسىنە سايكەس جۇرگىزىلەتىن جوسپاردان تىس تەكسەرۋلەر;».

2. وسى جارلىق 2023 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ

          پرەزيدەنتى                                                     ق.توقاەۆ

استانا, اقوردا, 2022 جىلعى 7 جەلتوقسان

           № 44