قازاقستاندىق ەۆا كورىشەۆا يسپانيادا اتاقتى تەننيسشى حۋان كارلوس فەررەرو اكادەمياسىندا 14 جاسقا دەيىنگىلەر اراسىندا وتكەن ءۇشىنشى ساناتتاعى Tennis Europe ءتۋرنيرىنىڭ ءابسوليۋتتى چەمپيونى اتاندى, دەپ حابارلايدى Egemen.kz.
قازاقستان تەننيس فەدەراتسياسى جازعانداي, ايتۋلى دوداعا اقش, اۋستراليا, رۋمىنيا, يتاليا, گەرمانيا, ارگەنتينا, بەلگيا سىندى ەلدەردەن مىقتى ويىنشىلار قاتىسىپ, باق سىنادى.
اقتوبە تەننيس مەكتەبىنىڭ تۇلەگى, 13 جاستاعى كورىشەۆا جەكەلەي جانە جۇپتىق سىندا ۇزدىك شىقتى.
ەۆا جەكەلەي سىندا فينالدا وسى جارىستىڭ ءبىرىنشى راكەتكاسى, ماجارستاندىق گرەتا نەمچەكتى 6:4, 6:4 ەسەبىمەن ۇتتى.
جۇپتىق سىندا تاعى ءبىر قازاقستاندىق توميريس نۇرجانمەن بىرگە سوڭعى باسەكەدە گ.نەمچەك – رۋمىنيالىق اناستاسيا پرەدادان ايلاسىن اسىردى – 6:2, 6:2.
بيىلعى جىل ەۆا كورىشەۆا ءۇشىن تابىستى بولدى. Tennis Europe سەرياسىمەن وتكەن 4 تۋرنيردە جەڭىمپاز اتانسا, سونىڭ ۇشەۋى جەكەلەي سىن ەدى.