قر پارلامەنتى سەناتىنىڭ كۋلۋارلارىندا قارجى ءمينيسترى - پرەمەر-ءمينيستردىڭ ورىنباسارى ەرۇلان جاماۋباەۆ مينيسترلەردىڭ ايلىق تابىسى جايلى سۇراققا جاۋاپ بەردى, دەپ حابارلايدى Egemen.kz.
قارجى ءمينيسترىنىڭ ايتۋىنشا, مينيسترلەردىڭ جالاقى مولشەرى ەڭبەك ءوتىلى مەن بىلىكتىلىگىنە قاراي بەلگىلەنەدى.
«بارلىعى ەڭبەك وتىلىنە, بىلىكتىلىگىنە بايلانىستى. مەنىڭ ويىمشا, ولاردىڭ جالاقىسى 500-600 مىڭ تەڭگەدەن باستالىپ, 1,5 – 1,7 ملن تەڭگەگە دەيىن جەتەدى», دەدى ەرۇلان جاماۋباەۆ.
وسى ورايدا, تىلشىلەر پرەمەر-ءمينيستردىڭ تابىسى تۋرالى سۇرادى.
«ەگەر ءاليحان اسحان ۇلى رۇقسات بەرسە, ايتا الامىن. ءدال قازىر ايتا المايمىن», دەپ جاۋاپ بەردى قارجى ءمينيسترى.