اتىراۋ وبلىسىنىڭ پوليتسەيلەرى قۇرامىندا ەسىرتكى زاتتارى بار وسىمدىكتەردى وسىرگەن 54 جاستاعى كۇدىكتىنى انىقتادى, دەپ حابارلايدى Egemen.ءkz ىىم رەسمي ينتەرنەت-رەسۋرسىنا سىلتەمە جاساپ.
«9 قاراشا كۇنى اتىراۋ وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى مەن ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى بىرلەسكەن جەدەل-ىزدەستىرۋ شارالارى ناتيجەسىندە قالا اۋماعىندا قۇرامىندا ەسىرتكى زاتتارى بار وسىمدىكتەردى ءوسىرىپ, ساقتاعان 54 جاستاعى كۇدىكتىنى انىقتادى», دەپ جازدى ءىىم رەسمي باسىلىمى.
انىقتالعانداي, ۇيدەن 50 قاراسورا بۇتاسى, 2 پوليەتيلەن قاپشىققا سالىنعان سالماعى 2,7 كەلى كەپتىرىلگەن ماريحۋانا, 2 اينەك شىنىعا سالىنعان ءشوپتىڭ داندەرى تابىلعان.
كۇدىكتى قاماۋعا الىنىپ, اتالعان دەرەك بويىنشا قر قك-ءنىڭ 296-بابى 4-بولىگىمەن, قك-ءنىڭ 300-بابى 1-بولىگىمەن سوتقا دەيىنگى تەرگەپ-تەكسەرۋلەر باستالدى.