ەلورداداعى وقۋشىلار سارايىندا اقپارات جانە قوعامدىق دامۋ مينيسترلىگىنىڭ قولداۋىمەن جانە قازاقستاندىق قوعامدىق دامۋ ينستيتۋتىنىڭ ۇيىمداستىرۋىمەن «بالالار الەمى» رەسپۋبليكالىق بالالار وقۋلارى بايقاۋىنىڭ جەڭىمپازدارىن ماراپاتتاۋ ءراسىمى ءوتتى.
بايقاۋعا ەلىمىزدىڭ جالپى ءبىلىم بەرەتىن مەكتەپتەرىنىڭ 3-10-سىنىپ وقۋشىلارىنان اۋداندىق, قالالىق, وبلىستىق ىرىكتەۋلەردەن وتكەن جالپى 97 مىڭنان اسا بالا قاتىستى. ولار 4 سانات بويىنشا باق سىنادى. اتاپ ايتقاندا «ەرتەگىلەر الەمىندە» تاقىرىبىندا 3-4-سىنىپ وقۋشىلارى «قازاق ەرتەگىلەرى» جانە «الپامىس باتىر» كىتاپتارى; «كەل, بالالار, وقىلىق!» تاقىرىبىندا 5-6 ورتا سىنىپتاعى وقۋشىلارى «مەن – اپامنىڭ بالاسىمىن» جانە «اعايىندى گريممدەر ەرتەگىلەرى» اتتى كىتاپتار, «عاسىرلار تاريحتى جىرلايدى» تاقىرىبىندا 7-8-سىنىپتاعى بالالار «ۇشقان ۇيا» جانە «گۋلليۆەردىڭ ساياحاتى» كىتاپتارى; « ۇلى دالا ەپوستارى» جانە « ۇلى دالانىڭ داڭقى» تاقىرىبىندا 9-10-سىنىپ وقۋشىلارى ءى.ەسەنبەرليننىڭ «كوشپەندىلەر. الماس قىلىش» جانە د.دەفونىڭ «روبينزون كرۋزو» كىتاپتارى بويىنشا ءبىلىمىن ورتاعا سالدى.
سالتاناتتى راسىمگە اقپارات جانە قوعامدىق دامۋ ۆيتسە-ءمينيسترى, پارلامەنت دەپۋتاتتارى, قازاقستانداعى يۋنيسەف وكىلدەرى, قوعام قايراتكەرلەرى, اقىن-جازۋشىلار مەن جۋرناليستەر قاتىستى.
العى ءسوز العان اقپارات جانە قوعامدىق دامۋ ۆيتسە-ءمينيسترى دانيار قادىروۆ: «رەسپۋبليكالىق بالالار وقۋىنا ەلىمىزدىڭ تۇكپىر-تۇكپىرىنەن سۇرىنبەي وتكەن جۇزدەن جۇيرىك قاتىسۋشىلارىمىزدى بايقاۋدىڭ مەجەسىنە جەتۋىمەن شىن جۇرەكتەن قۇتتىقتايمىن. ورايى كەلىپ تۇرعاندا بارشاڭىزدى تۇعىرىنا قايتا قونعان ۇلتتىق مەرەكەمىز رەسپۋبليكا كۇنىمەن دە قۇتتىقتايمىن. بۇل بايقاۋ كىتاپ وقۋ مادەنيەتىمەن قاتار مەملەكەتتىك ءتىلدىڭ جاس بۋىن ورتاسىندا كەڭ تارالۋىنا ۇلەس قوسادى. اتالعان ايگىلى تۋىندىلار ادامنىڭ ءومىر جولىندا ولشەۋسىز ازىق بولىپ, پاراساتتى, كەمەل جاستاردى قالىپتاستىرۋعا ىقپال ەتىپ كەلەدى. وسىنداي ازاماتتارمەن بىرگە ءبىز ادىلەتتى قازاقستاندى جانە قوعامداعى ىزگى قۇندىلىقتاردى قالىپتاستىرامىز», دەدى.
پارلامەنت ءماجىلىسىنىڭ دەپۋتاتتارى ساۋىتبەك ابدراحمانوۆ مەن امانجول ءالتاي, قازاقستانداعى يۋنيسەف باسشىسىنىڭ كەڭەسشىسى باعداد قۇلنازاروۆ, جازۋشىلار وداعىنىڭ مۇشەلەرى, اقىن-جازۋشىلار سەرىك نەگيموۆ, شارحان قازىعۇل, ديحان قامزابەك ۇلى, قۋانىش جيەنباي جانە روزا مۇقانوۆالار ءتيىستى نوميناتسيالار بويىنشا جەڭىمپازدار مەن جۇلدەگەرلەردى باعالى سىيلىقتارمەن ماراپاتتادى.
سالتاناتتى ءراسىم بارىسىندا ەڭ بەلسەندى قاتىسۋشىلارعا العىس حاتتارى مەن Marwin سەرتيفيكاتتارى تابىستالدى. سوڭى كونتسەرتكە ۇلاسقان بايقاۋدىڭ باستى ماقساتى – بالالار مەن جاسوسپىرىمدەردىڭ كىتاپ وقۋعا دەگەن قىزىعۋشىلىعىن ارتتىرۋ, قازاق جانە شەتەل ادەبيەتىن, اقىن-جازۋشىلاردىڭ شىعارمالارىن تەرەڭ زەرتتەۋگە تارتۋ جانە وسكەلەڭ ۇرپاقتىڭ بويىندا پاتريوتتىق سەزىمدى قالىپتاستىرۋ.