سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ دەپۋتاتتارى كەڭەيتىلگەن وتىرىستا «قازاقستان رەسپۋبليكاسىنىڭ ۇكىمەتى مەن شۆەيتساريا فەدەرالدىق كەڭەسى اراسىنداعى ديپلوماتيالىق وكىلدىكتەر, حالىقارالىق ۇيىمدار جانىنداعى تۇراقتى وكىلدىكتەر جانە كونسۋلدىق مەكەمەلەر قىزمەتكەرلەرىنىڭ وتباسى مۇشەلەرىنىڭ اقىلى ەڭبەك قىزمەتى تۋرالى كەلىسىمدى راتيفيكاتسيالاۋ تۋرالى» زاڭ جوباسىن تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كەلىسىمنىڭ ماقساتى – ەكى مەملەكەتتىڭ اۋماعىندا ديپلوماتيالىق ميسسيالار قىزمەتكەرلەرىنىڭ وتباسى مۇشەلەرىنىڭ اقىلى ەڭبەك قىزمەتىن جۇزەگە اسىرۋىنا بايلانىستى ماسەلەلەردى رەتتەۋ.
«مۇنداي كەلىسىمدەر جاساۋ الەمدىك تاجىريبەدە كەڭ تارالعان. بۇل قازاقستان ءۇشىن العاشقى كەلىسىم», دەدى سەناتور عالياسقار سارىباەۆ.
كەڭەيتىلگەن وتىرىستىڭ قورىتىندىسى بويىنشا كوميتەت دەپۋتاتتارى زاڭ جوباسىن پالاتانىڭ قاراۋىنا بەرۋ تۋرالى شەشىم قابىلدادى.