سىر بويىنداعى كەزدەسۋ

«پالمەر-3» اۆتونومدى گەنە­را­تورىن قۇراستىرعان جەر­­گىلىكتى جاس ونەرتاپقىش ما­رات پالماحوۆ مينيسترگە قۇرىلعىنىڭ جۇمىس ىستەۋ بارىسىن كورسەتتى.

قورقىت اتا اتىنداعى قىزىل­وردا ۋنيۆەرسيتەتى جۋرناليستيكا ماماندىعىنىڭ ستۋدەنتتەرىمەن كەزدەسۋدە مينيستر جاستار ساۋالىنا جاۋاپ بەرىپ, سالانىڭ بۇگىنى مەن ەرتەڭى جايلى پىكىر الماستى.

دوستىق ۇيىندە وتكەن وبلىس تۇرعىندارىمەن كەزدەسۋدە سالا جۇمىسى مەن ازاماتتىق قو­عام ينستيتۋتتارىن دامىتۋ باعى­تىنداعى مەملەكەتتىك قولداۋ جايلى ايتىپ ءوتتى. سونداي-اق باق سالاسىندا قولعا الىنىپ جات­قان جۇمىستارعا توقتالىپ, قو­عام تالقىلاۋىنان وتكەن «ماسس-­مەديا تۋرالى» زاڭ جوبا­سىندا اقپاراتتىڭ قولجەتىمدى بولۋى, جۋرناليست مارتەبەسى ەسكەرىلگەنىن جەتكىزدى.

كەزدەسۋدەن كەيىن مينيستر قو­عامدىق قابىلداۋ جاساپ, تۇر­عىنداردىڭ ساۋالدارىنا جاۋاپ بەردى. ساپار اياسىندا «Qyzylorda» تەلەارناسىندا باق وكىلدەرىنە بريفينگ وتكىزدى.

– قولىنا سمارتفون ۇستا­عان كەز كەلگەن جان اقپارات تا­را­­تۋ­شىعا اينالعان قازىرگى كە­زەڭ­دە جۋرناليستيكانىڭ بى­لىك­­تى ماماندارىنا جۇكتەلەر جاۋاپ­كەر­شىلىك ارتا تۇسەدى. سون­دىق­تان دا جۋرناليستەر مار­تەبە­سىن كوتەرۋ, اقپاراتقا قول جەت­كى­زۋىن جەڭىلدەتۋ, ينتەرنەت, ونلاين پلاتفورمالاردى رەتتەۋدى قاراستىرىپ وتىرمىز, – دەدى مينيستر.

كەزدەسۋدە ارداگەر جۋرناليستەر ايتكۇل شالعىنباەۆا, قار­شىعا ەسىمسەيىتوۆا سىر بويىندا ۇيىمداستىرىلىپ كەلە جاتقان «قورقىت جانە ۇلى دالا سازى» حالىقارالىق فەستيۆالى نەگىزىندە تۇركى حالىقتارىنىڭ ونەرىن ناسيحاتتايتىن بىرىككەن تەلەۆيزيالىق جوبا ازىرلەۋ, قازىرگى وتاندىق تەلەارنالاردا كورسەتىلىپ جاتقان شەتەل سەريالدارىنىڭ ءوزىمىزدىڭ كينوتۋىندىلارمەن الماستىرۋ تۋرالى ۇسىنىس ايتتى.

اقپارات جانە قوعامدىق دامۋ ءمينيسترى جاڭاقورعان اۋدان­­دىق «جاڭاقورعان تىنىسى» گازەتىنىڭ رەداكتسياسىنا با­رىپ, جۋرناليستەردىڭ تى­نىس-تىر­شىلىگىمەن تانىستى. باسى­لىم­داردى شىعارۋمەن قاتار تاراتۋ ءىسىن دە جولعا قويعان «سىر مە­ديا» سەرىكتەستىگىنىڭ جۇمىسىن جوعارى باعالادى.

قىزىلوردا