قر ۇلتتىق قاۋىپسىزدىك كوميتەتىنىڭ شەكارا قىزمەتى رەسەي فەدەرالدىق قاۋىپسىزدىك قىزمەتىنىڭ شەكارا قىزمەتىمەن بىرلەسىپ كاسپي تەڭىزىنىڭ اكۆاتورياسىنداعى براكونەرلىك قىلمىستاردىڭ جولىن كەسۋگە جانە تابيعي ءار الۋاندىقتى ساقتاۋعا باعىتتالعان جەدەل-الدىن الۋ ءىس-شارالارىن جۇرگىزدى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
بىرلەسكەن ءىس-شارالار بارىسىندا تەڭىز كەڭىستىگىندە 68 ءجۇزۋ قۇرالىن مىنگەن 153 قۇقىق بۇزۋشى ۇستالدى (شەكارالىق ءتارتىپتى بۇزعاندار – 79, ايماقتىق جانە ىشكى سۋلار ءتارتىبىن بۇزعاندار – 71, مەملەكەتتىك شەكارا ءتارتىبىن بۇزعاندار - 3).
«ۇزىندىعى 400 شاقىرىمعا جۋىق براكونەرلىك جولمەن بالىق اۋلاۋعا ارنالعان تور جانە 17 مىڭ ىلمەك الىندى. تابيعي تىرشىلىك ورتاسىنا 946 بەكىرە تۇقىمداس جانە 5 321 ۇساق تۇقىمداس بالىق تۇرلەرى مەن 54 يتبالىق قايتارىلدى», دەلىنگەن ۆەدومستۆو حابارلاماسىندا.
ءىس-شارا ناتيجەسىندە 1,82 ميلليارد تەڭگە كولەمىندەگى زالالدىڭ الدى الىندى. قازاقستان رەسپۋبليكاسىنىڭ زاڭنامالارىن بۇزعاندارعا 3,3 ميلليون تەڭگەدەن استام ايىپپۇل سالىندى.