تۇرىك اۋە كومپانياسى «Pegasus Airlines» الماتى-انكارا بويىنشا تىكەلەي رەيستەر جۇرگىزەدى, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
بۇعان دەيىن پرەزيدەنت تاپسىرماسى بويىنشا قازاقستان مەن تۇركيا اراسىنداعى اۋە قاتىناسى ماسەلەلەرى بويىنشا تۇركيانىڭ اۆياتسيالىق بيلىك ورىندارىمەن كەلىسسوزدەر جۇرگىزىلگەن. ناتيجەسىندە تاراپتار مارشرۋتتاردى, رەيستەر سانىن ەكى ەسەگە جانە تاسىمالداۋشىلاردى كوبەيتۋ جونىندە ۋاعدالاستىققا قول جەتكىزگەن.
وسى جۇمىستىڭ ناتيجەسىندە «Pegasus Airlines» تۇرىك اۆياكومپانياسى وسى جىلدىڭ 1 قاراشاسىنان باستاپ الماتى - انكارا باعىتى بويىنشا جاڭا رەيستى ىسكە قوستى, قازاقستاندىق جولاۋشىلار تۇركيا استاناسىنا تىكەلەي رەيستەرمەن ساياحاتتاۋعا مۇمكىندىك الدى.
الماتى - انكارا اراسىنداعى تۇراقتى رەيستەر ا320 جانە ب737 ءتيپتى اۋە كەمەلەرىندە سارسەنبى جانە سەنبى كۇندەرى اپتاسىنا 2 رەت ورىندالادى.