استانا. 27 مامىر. بۇگىن پرەزيدەنت نۇرسۇلتان نازارباەۆتىڭ جارلىقتارىمەن اقمولا جانە سولتۇستىك قازاقستان وبلىستارىنا جاڭا اكىمدەر تاعايىندالدى. بۇل تۋرالى اقوردانىڭ ءباسپاسوز قىزمەتى حابارلادى.
«مەملەكەت باسشىسىنىڭ جارلىقتارىمەن: سامات ساپاربەك ۇلى ەسكەندىروۆ سولتۇستىك قازاقستان وبلىسىنىڭ اكىمى قىزمەتىنەن; باسقا جۇمىسقا اۋىسۋىنا بايلانىستى قوسمان قايىرتاي ۇلى ايتمۇحامەتوۆ اقمولا وبلىسىنىڭ اكىمى قىزمەتىنەن بوساتىلدى; سونداي-اق, باسقا جۇمىسقا اۋىسۋىنا بايلانىستى قازاقستان رەسپۋبليكاسى پارلامەنتى سەناتىنىڭ دەپۋتاتى سەرگەي ۆيتالەۆيچ كۋلاگيننىڭ وكىلەتتىگى توقتاتىلدى», - دەلىنگەن حابارلامادا.
سونىمەن قاتار, مەملەكەت باسشىسى سەرگەي ۆيتالەۆيچ.كۋلاگيندى - اقمولا وبلىسىنىڭ, ەرىك حامزا ۇلى سۇلتانوۆتى سولتۇستىك قازاقستان وبلىسىنىڭ اكىمدەرى ەتىپ تاعايىنداۋ تۋرالى جارلىقتارعا قول قويدى.
ەرىك سۇلتانوۆ 1956 جىلى 24 ناۋرىزدا سولتۇستىك قازاقستان وبلىسى شال اقىن اۋدانىندا تۋعان. قاراعاندى پوليتەحنيكالىق ينستيتۋتىن (قازىرگى قاراعاندى مەملەكەتتىك تەحنيكالىق ۋنيۆەرسيتەتى) بىتىرگەن. تاعايىندالعانعا دەيىن «قازاقستان تەمىر جولى» اق ۆيتسە-پرەزيدەنتى بولىپ قىزمەت اتقارعان.
ساكەن مايلىباي.
دەرەككوز: اقوردا سايتى.
فوتو: اقوردا سايتى.