قازاقستاندا 2022 جىلدىڭ باسىنان بەرى ادام ساۋداسىنا قاتىستى 79 قىلمىستىق ءىس تىركەلگەن, دەپ حابارلايدى Egemen.kz.
2019 جىلى ادام ساۋداسىنا قاتىستى 182 قىلمىستىق ءىس, 2020 جىلى - 111, 2021 جىلى - 103, 2022 جىلدىڭ 9 ايىندا - 79 قىلمىستىق ءىس تىركەلگەن.
2022 جىلدىڭ قاڭتار-قىركۇيەك ايلارىندا قازاقستاندا ادام ساۋداسىمەن اينالىساتىن 6 ۇيىمداسقان قىلمىستىق توپ انىقتالعان, ولاردان 35 ادام زارداپ شەككەن.
«بيىل تامىز ايىندا شىمكەنتتە الداۋ جانە كۇش قولدانۋ ارقىلى قىزداردى, ونىڭ ىشىندە كامەلەتكە تولماعانداردى ساتۋمەن, جىنىستىق قۇلدىق, جەزوكشەلەر ۇيلەرىن ۇستاۋمەن جانە جالاڭاشتىقپەن اينالىسقان 11 ادامنان تۇراتىن ۇيىمداسقان قىلمىستىق توپتىڭ ارەكەتىنىڭ جولى كەسىلدى», دەپ حابارلاعان ىشكى ىستەر مينيسترلىگى.
اتالعان ساناتتاعى قىلمىستاردىڭ الدىن الۋ ماقساتىندا مينيسترلىك «ادام ساۋداسىنا قارسى كۇرەس تۋرالى» زاڭ جوباسىن ازىرلەۋدە. ول جابىرلەنۋشىلەردى, سونىڭ ىشىندە كامەلەتكە تولماعانداردى قورعاۋعا باعىتتالعان.