ءتورت اي ىشىندە قازاقستاندا ادام ساۋداسىنىڭ 30-عا جۋىق فاكتىسى تىركەلدى. بۇل تۋرالى ىشكى ىستەر ءمينيسترى مارات احمەتجانوۆ ادام ساۋداسىنا قارسى ءىس-قيمىل ماسەلەلەرى جونىندەگى قۇقىقتىق فورۋمدا ايتتى, دەپ حابارلايدى Egemen.kz.
«بىرىككەن ۇلتتار ۇيىمىنىڭ مالىمەتى بويىنشا, الەمدەگى ادام ساۋداسىنىڭ قۇرباندارىنىڭ 70%-ى ايەلدەر مەن جاس قىزدار. ال ءاربىر ءۇشىنشىسى - بالا. وكىنىشكە قاراي, بۇل ماسەلە قازاقستانعا دا قاتىستى», دەدى مارات احمەتجانوۆ.
ونىڭ ايتۋىنشا, جىل سايىن ەلدە ۇقساس سيپاتتاعى 100-دەن استام قىلمىس تىركەلەدى.
«بۇرىن مۇنداي قىلمىستاردىڭ 300-گە جۋىعى تىركەلگەن. بيىل ءتورت ايدا ادام ساۋداسىنىڭ 30-عا جۋىق فاكتىسى انىقتالدى. ءۇش ۇيىمداسقان قىلمىستىق توپ ۇستالدى. جالپى, مينيسترلىكتە ۇيىمداسقان قىلمىسقا قارسى كۇرەس باسقارماسىن قايتا ۇيىمداستىرۋدىڭ ارقاسىندا بۇل قىلمىستاردىڭ انىقتالۋى ارتىپ كەلەدى», دەپ تولىقتىردى مينيستر.