قر پرەمەر-ءمينيسترى ءاليحان سمايىلوۆ قازاقستاننىڭ تمد-عا توراعالىعىنىڭ نەگىزگى قورىتىندىلارىن شىعاردى, دەپ حابارلايدى Egemen.kz.
«بيىل قازاقستان تمد-عا توراعالىق ەتۋدە. توراعالىعىمىزدى جۇزەگە اسىرۋ بارىسىندا بارلىق باعىتتار بويىنشا پراكتيكالىق جۇمىستار جۇرگىزىلدى. ءبىز ونى تمد-دا قالىپتاسقان ساباقتاستىق بويىنشا جانە ۇيىمنىڭ ىرگەلى قۇجاتتارىنا سايكەس جۇرگىزدىك. بىرلەسكەن جۇمىستىڭ ناتيجەسى ءتيىستى شارالار كەشەنىن جۇزەگە اسىرا وتىرىپ, تمد-نىڭ بارلىق جارعىلىق جانە سالالىق ورگاندارىنىڭ وتىرىسىن وتكىزۋ بولدى», دەدى ءاليحان سمايىلوۆ تمد ۇكىمەت باسشىلارى كەڭەسىنىڭ كەڭەيتىلگەن وتىرىسىندا.
سونداي-اق پرەمەر-مينيستر بەلارۋس رەسپۋبليكاسى مەن قىرعىز رەسپۋبليكاسىنا جۇمىسقا كومەكتەسكەنى ءۇشىن العىس ايتتى.
«قازاقستان پرەزيدەنتى قاسىم-جومارت توقاەۆ جاقىندا وتكەن دوستاستىق مەملەكەتتەر باسشىلارى كەڭەسىنىڭ وتىرىسىندا تمد-نىڭ باقىلاۋشىسى جانە سەرىكتەسى بولىپ تابىلاتىن جاڭا ينستيتۋتتاردى قۇرۋ تۋرالى باستاما كوتەردى. باسقارما تاراپتارمەن بىرلەسە وتىرىپ, قازىردىڭ وزىندە بۇل ماڭىزدى يدەيانى ازىرلەۋدە. بۇل جۇمىستىڭ ناتيجەسى تمد-نىڭ باسقا ەلدەرمەن جانە حالىقارالىق قۇرىلىمدارمەن جاقىنداسۋى ءۇشىن جاڭا مۇمكىندىكتەرگە جول اشادى», دەپ قوستى ۇكىمەت باسشىسى.