ىشكى ىستەر ءمينيسترىنىڭ بۇيرىعىمەن ءىىو-نىڭ بىردەن ءۇش قىزمەتكەرى مەدالمەن ماراپاتتالدى, دەپ حابارلايدى Egemen.ءkz ىىم رەسمي پاراقشاسىنا سىلتەمە جاساپ.
21 قازاندا ەلوردالىق دۇكەندەردىڭ ءبىرىنىڭ ساتۋشىسى 21 جاسقا تولماعان ادامعا الكوگول مەن تەمەكى ساتقان. ول اكىمشىلىك جاۋاپكەرشىلىكتەن جالتارۋعا تىرىسىپ, ۋچاسكەلىك پوليتسيا ينسپەكتورى باقىتجان قۇلجانوۆتىڭ كۇرتەشەسىنە 50 مىڭ تەڭگە سالادى. ءدال وسى ءسات پوليتسەيدىڭ بەينەتىركەگىشىنە ءتۇسىپ قالادى. ساتۋشىعا قاتىستى پارا بەرۋگە تىرىسقانى ءۇشىن سوتقا دەيىنگى تەرگەۋ باستالدى.
ەكىنشى قىزمەتكەر, ريزابەك ساپانوۆ پاترۋلدىك پوليتسيا قىزمەتكەرى 24 قازاندا اتىراۋ-ورال اۆتوجولىندا Chevrolet Lacetti كولىگىن توقتاتادى. رولدە 32 جاستاعى رەسەي فەدەراتسياسىنىڭ ازاماتى وتىرادى, ول كولىكتى ساقتاندىرۋ ءپوليسىنسىز باسقارعان. كولىك جۇرگىزۋشىسى ينسپەكتورعا قۇجاتتارىن ۇسىنعاندا ءوزىن اكىمشىلىك جاۋاپكەرشىلىكتەن بوساتۋ ءۇشىن سىياقى تۇرىندە 500 ءرۋبلدى قوسا بەرگەن. اقشانى بەرىپ جاتقان ءسات ساپانوۆتىڭ بەينەتىركەگىشىنە ءتۇسىپ قالعان. ول دەرەۋ وقيعا ورنىنا اتىراۋ قالاسى پب جەدەل-تەرگەۋ توبىن شاقىرىپ, وسى فاكتى بويىنشا پوليتسيا قىزمەتكەرلەرى قك-ءنىڭ 367-بابىنىڭ 1-بولىگى (پارا بەرۋ) بويىنشا سوتقا دەيىنگى تەرگەپ-تەكسەرۋدى باستادى.
ءۇشىنشى وقيعا - قازان ايىنىڭ ورتاسىندا اقمولا وبلىسىنىڭ مەكەمەلەرىنىڭ بىرىندە بولعان. جۋىردا كولونيادان شىققان ەر ادام قاجد قىزمەتكەرى سالتانات جاكەنوۆاعا قوڭىراۋ شالىپ, وعان ءبىر قوي مەن «اي سايىنعى ازىق-ت ۇلىك سىياقىسىن» ۇسىنىپ, وزىمەن بىرگە تۇراتىن ايەلدى پروباتسيالىق تەكسەرۋدەن بوساتىپ الماق بولعان. وسىعان بايلانىستى 37 جاستاعى اقمولالىق ازاماتقا پارا بەرۋ تۋرالى قىلمىستىق ءىس قوزعالدى.
ىشكى ىستەر ءمينيسترى مارات احمەتجانوۆتىڭ بۇيرىعىمەن قىزمەتتىك مىندەتتەرىن ادال اتقارعانى, سىبايلاس جەمقورلىق قۇقىق بۇزۋشىلىقتىڭ جولىن كەسكەنى ءۇشىن ۇشەۋى دە ماراپاتتالدى.