«بارشاعا مۇمكىندىك» قوعامدىق قورىنىڭ باستاماسىمەن, جاڭاوزەن قالاسى كاسىپكەرلەر قاۋىمداستىعى, سپورت مەكەمەلەرى مەن جاتتىقتىرۋشىلار بىرلەستىگى, قالا اكىمدىگى قولداۋىمەن جاڭاوزەن قالاسىندا «ادىلەتتى قوعام – بارشاعا مۇمكىندىك» ۇرانى اياسىندا ارنايى جوبالار باستالدى, دەپ حابارلايدى Egemen.kz.
«بارشاعا مۇمكىندىك» قوعامدىق قورى جاڭاوزەن قالاسىندا 2022 جىلدىڭ ماۋسىم ايىنان باستاپ قالانىڭ الەۋمەتتىك-ەكونوميكالىق احۋالىن جاقسارتۋعا كىرىسكەن. قور قالا ىشىندە ءتۇرلى سالالار بويىنشا جينالعان بىرنەشە ماسەلەنى شەشۋدى كوزدەيدى. اتاپ ايتقاندا, اۋىز سۋ ماسەلەسى, كاسىپكەرلىك پەن بۇقارالىق سپورتتى دامىتۋ جانە قالا تۇرعىندارىنا ارنالعان مادەني-قوعامدىق شارالار ۇيىمداستىرۋ.
«جاڭاوزەن قالاسى ەلىمىزدىڭ باتىسىنداعى حالقى تىعىز ورنالاسقان بىردەن-ءبىر قالا. قالا حالقىنىڭ الەۋەتى تالاي كەرەمەت جوبالاردى جۇزەگە اسىرا الاتىنىنا جانە قالامىزدىڭ وركەندەۋىنە تۇرعىن رەتىندە, كاسىپكەر رەتىندە ۇلەس قوسۋ ازاماتتىق بورىش دەپ سانايمىن» دەيدى كاسىپكەرلەر قاۋىمداستىعىنىڭ مۇشەسى, «ادىلەتتى قوعام – بارشاعا مۇمكىندىك» ۇرانى اياسىنداعى جوبالاردىڭ ۇيىمداستىرۋشىسى, Korkem Alem كومپانياسىنى باسشىسى تەمىر ساكەن ۇلى.