قازاقستان رەسپۋبليكاسى ورنىقتى دامۋ جونىندەگى ازيا-تىنىق مۇحيتى فورۋمىنىڭ توراعاسى بولىپ تاعايىندالدى. بۇل شەشىم 2014 جىلدىڭ 19-21 مامىر كۇندەرى پاتتايا (تايلاند) قالاسىندا وتكەن فورۋمنىڭ 5-ءشى سەسسيا بارىسىندا قابىلداندى, دەپ حابارلادى قر ءسىم-ءىنىڭ ءباسپاسوز قىزمەتى.
باستى ماقساتتارىنىڭ ءبىرى ەكونوميكالىق, الەۋمەتتىك, قارجى جانە قورشاعان ورتانى قورعاۋ سالالارىن دامىتۋ ماسەلەلەرىنە قاتىسۋعا الەم ەلدەرىن ىنتالاندىرۋ بولىپ تابىلاتىن فورۋم جۇمىسىنا ءوڭىر ەلدەرى, قىزىعۋشىلىق تانىتقان دامۋ ينستيتۋتتارى, عىلىمي جانە قارجىلىق, سونداي-اق, يندۋستريا جانە بيزنەس ۇيىمدارىنىڭ وكىلدەرى قاتىستى.
فورۋمعا قازاقستان رەسپۋبليكاسىنىڭ قورشاعان ورتا جانە سۋ رەسۋرستارى ۆيتسە-ءمينيسترى بەكتاس مۇحامەدجانوۆ قاتىستى. ول پلانەتارلىق شەكتىك كورسەتكىشتەر شەڭبەرىندەگى بىرلەسىپ دامۋ ماسەلەلەرى جونىندەگى سەسسيا مەن مينيسترلەردىڭ «دوڭگەلەك ۇستەل» وتىرىسىن وتكىزدى.
اتالعان فورۋمدى بۇۇ ازيا جانە تىنىق مۇحيت مەملەكەتتەرى ءۇشىن ەكونوميكالىق جانە الەۋمەتتىك كوميسسياسى دامۋ ماسەلەلەرى بويىنشا ايماقتىق ۇنقاتىسۋدى قولداۋ ماقساتىندا ۇيىمداستىرادى.
شارا بارىسىندا ازيا-تىنىق مۇحيتى مەحانيزمىنىڭ, سونداي-اق, وسى ايماقتىڭ دامۋى جونىندەگى بۇۇ كەڭەسىنىڭ ءىس-ارەكەتتەرىنىڭ ناتيجەلەرى قاراستىرىلدى. سونىمەن قاتار, جوعارى دەڭگەيدە وتەتىن دۇنيەجۇزىلىك ساياسي فورۋمدا 2015 جىلدان كەيىنگى مەرزىمگە ارنالعان مىڭجىلدىق دامۋ ماقساتتارى اياسىندا تالقىلاناتىن ماسەلەلەر پىسىقتالدى.