ەلورداداعى شۇبار اۋدانىنا گاز جۇرگىزىلەدى

وسى جىلدىڭ سوڭىنا دەيىن ساراپتامانىڭ وڭ قورىتىندىسىن الۋ جوسپارلانىپ وتىر. قازىرگى ۋاقىتتا جوبالاۋ-ىزدەستىرۋ جۇمىستارى جۇرگىزىلۋدە, ەندى 2023 جىلدىڭ باسىندا شۇبار شاعىن اۋدانىندا قۇرىلىس-مونتاج جۇمىستارى باستالادى.

استانا قالاسى اكىمدىگىنىڭ رەسمي مالىمەتىنە سۇيەنسەك, سارىارقا جانە الماتى اۋداندارىندا (اقبيداي, قازاقاۋىل, نۇر-بەسىك, پوتانين كوشەسى اۋدانىنداعى شاعىناۋدان) ۇيلەردى گازعا قوسۋ مۇمكىندىگى تولىق قامتاماسىز ەتىلگەن. وسى ماقساتتا قالادا 680 شاقىرىمنان استام گاز تاراتۋ جەلىسى سالىنىپ, كۆارتالىشىلىك جەلىلەر تارتىلدى. اتالمىش اۋدانداردا 6,5 مىڭعا جۋىق تۇرعىن ءۇي گازعا قوسىلدى.

ايتا كەتەيىك, قازىر بايقوڭىر جانە ەسىل اۋداندارىندا گاز قۇبىرىن سالۋ جۇمىستارى ءجۇرىپ جاتىر. بيىل اۋداندىق تۇران, تەلمان قازاندىقتارىنا, سول سياقتى ۇركەر (يلينكا), ءوندىرىس, تەلمان, پريگورودنىي ەلدى مەكەندەرىنە جانە «Family Village» جانە «Garden Village» شاعىن اۋداندارىنا گاز جەتكىزۋ جەلىلەرىنىڭ قۇرىلىسى باستالدى.

گازداندىرۋ بويىنشا ىنتالاندىرۋ جانە كومەك كورسەتۋ ءۇشىن بىرقاتار الەۋمەتتىك شارالار قابىلدانعان:

ۇيلەردى گازعا قوسۋعا ارنالعان قۇجاتتار ءتىزىمى ەكى ەسە قىسقارتۋ; مۇقتاج جاندارعا بولىنەتىن سوما 2 ەسەدەن اسا ۇلعايتۋ (430 مىڭعا دەيىن); تەگىن نەگىزدە گازدى ەسەپكە الۋ اسپاپتارى (ەسەپتەگىشتەر) بەرۋ; گازداندىرۋ ءۇشىن بانكتەر ارقىلى ءبولىپ تولەۋ جانە پايىزسىز كرەديتتەۋ.

بۇگىندە ەلوردانى گازداندىرۋ مەملەكەت باسشىسىنىڭ تىكەلەي باقىلاۋىندا. گازداندىرۋ قالانىڭ ەكولوگياسىن ەداۋىر جاقسارتىپ قانا قويماي, جەكە سەكتور تۇرعىندارى ءۇشىن قولايلى جاعداي جاساۋعا مۇمكىندىك بەرەدى.