ماڭعىستاۋ وبلىسىندا پوليتسيا قىزمەتكەرى جالعان مەملەكەتتىك ءنومىر تاعىلعان كولىكپەن جۇرگەن, دەپ حابارلايدى Egemen.kz.
«6 قازان كۇنى ساعات 12:00-دە جاڭاوزەن قالاسىنىڭ پاترۋلدىك پوليتسيا قىزمەتكەرلەرى جالعان مەملەكەتتىك نومىرلەرمەن جۇرگەن Toyota Crown اۆتوكولىگىن توقتاتتى. وسى فاكتى بويىنشا قر اقبتك-ءنىڭ 590-بابى 4-بولىگى بويىنشا (كولىك قۇرالدارىن پايدالانۋ قاعيدالارىن بۇزۋ) اكىمشىلىك حاتتاما تولتىرىلدى. اۆتوكولىك ايىپ تۇراعىنا قويىلدى. ماتەريال سوتقا جىبەرىلدى», دەپ جازىعلان ءىىم تاراتقان حابارلامادا.
سونىمەن قاتار قازىرگى ۋاقىتتا قىزمەتتىك تەكسەرۋ جۇرگىزىلۋدە. اتالعان قىزمەتكەردىڭ ءىس-ارەكەتىن تارتىپتىك كوميسسيا قاراستىراتىن بولادى.
ءبىر قىزىعى, ەرەجە بۇزعان ازامات ءتارتىپ ساقشىلارى توقتاتقان ساتتە قاشۋعا تىرىسقان. كەيىن قاشا جونەلگەن ازاماتتىڭ پوليتسيا قىزمەتكەرى ەكەنى انىقتالعان.