مۇناي ءوندىرۋ ازايادى

مۇناي وڭدەۋشى ەلدەر ۇيىمىنىڭ (وپەك) كەلتىرگەن مالىمەتىنە سۇيەنسەك, بيىل قارا التىنعا سۇرانىس كۇنىنە 2,64 ميلليون باررەلگە كوبەيمەك. ياعني ءوسىم 2,7 پايىزدى قۇراپ وتىر. بىراق بۇعان دەيىنگى بولجامنان 460 مىڭ باررەل از.

«الەم ەكونوميكاسى تۇراقتى ينفلياتسيانىڭ جوعارى دەڭگەيى, ءىرى ورتالىق بانكتەردىڭ اقشا ساياساتىن قاتاڭداتۋى, كوپتەگەن ايماقتاعى تاۋەلسىز قارىز دەڭگەيىنىڭ جوعارىلاۋى, سونداي-اق جەتكىزىلۋ تىزبەگىنىڭ بۇزىلۋى سالدارىنان بەلگىسىزدىك پەن قيىندىق كۇشەيگەن كەزەڭگە اياق باستى», دەلىنگەن وپەك ەسەبىندە.

سۇرانىستىڭ تومەندەۋى جونىندەگى بولجام جىعىلعانعا جۇدىرىق بولاتىن سەكىلدى. وتكەن اپتادا وپەك+ ەلدەرى 2020 جىلدان بەرى مۇناي ءوندىرىسى كولەمىن ايتارلىقتاي قىسقارتۋعا كەلىسكەن ەدى. امەريكا قۇراما شتاتتارى بۇل شەشىمدى سىنعا الدى. دەگەنمەن سارسەنبىدە اقش ەنەرگەتيكا مينيسترلىگى دە 2023 جىلى جاھاندىق ءوندىرىس پەن تۇتىنۋعا قاتىستى بولجامىن جاڭارتقان-دى.

اقۇي باسشىسى دجو بايدەن وپەك+ ەلدەرىنىڭ مۇناي ءوندىرىسىن ازايتۋ تۋرالى شەشىمىن ايىپتاپ, ساۋد ارابياسىنا سەس كورسەتتى. اقش پرەزيدەنتى قارا التىن شىعاراتىن ەلدەردىڭ مۇنداي قادامعا بارۋى­نا رەسەي ىقپال ەتىپ وتىر دەپ ەسەپتەيدى. وسىدان كەيىن اقش سەناتىنىڭ حالىقارالىق قاتىناستار كوميتەتىنىڭ توراعاسى بوب مەنەندەس ساۋد ارابياسىمەن ىنتىماقتاستىقتى, سونىڭ ىشىندە قارۋ-جاراق ساتۋدى دەرەۋ توقتاتۋى كەرەك دەپ مالىمدەگەن ەدى.

ساۋد ارابياسى ءوز كەزەگىندە اقش-تىڭ سىنىن «فاكتىلەرگە نەگىزدەلمەگەن» دەپ ەسەپتەيتىنىن جەتكىزدى. سونداي-اق ۆاشينگتوننىڭ قىسقارتۋدى ءبىر ايعا كەيىنگە قالدىرۋ تۋرالى ءوتىنىشى تەرىس ەكونوميكالىق سالدارعا ۇشىراتاتىنىن العا تارتتى.

«وپەك+ شەشىمى كونسەنسۋس ارقىلى قابىلداندى, سۇرانىس پەن ۇسىنىس تەڭگەرىمى ەسكەرىلدى جانە نارىقتاعى قۇبىلمالىلىقتى اۋىزدىقتاۋعا باعىتتالعان», دەپ حابارلادى ساۋد ارابياسىنىڭ سىرتقى ىستەر مينيسترلىگى.

ايتسە دە بيىلعى ءوسىم كورسەتكىشى بۇرىن­عىعا قاراعاندا جوعارى ەكەنىن ايتا كەتكەن ءجون. ويتكەنى كوروناۆيرۋس پاندەمياسىنا بايلانىستى الەمدە قارا التىنعا سۇرانىس ايتارلىقتاي ازايىپ كەتكەن ەدى. كارانتيندىك شەكتەۋ شارالارى الىنعانىمەن, بۇرىنعىداي دەڭگەي ساقتالعان جوق.

وپەك-ءتىڭ ەسەپتەۋىنشە, كەلەر جىلى سۇرانىستىڭ كولەمى تاۋلىگىنە 2,34 ميلليون باررەلگە دەيىن ازايادى. بۇل بۇعان دەيىنگى بولجامنان 360 مىڭ باررەلگە كەم. ءسويتىپ ءبىر كۇندەگى ءوندىرىس كولەمى 102,02 ميل­ليون باررەلدى قۇرايدى. وسىلايشا, OPEC 2023 جىلى الەمدەگى قارا التىنعا سۇرانىس پاندەمياعا دەيىنگى دەڭگەيدى قۋىپ جەتەدى دەپ ەسەپتەيدى.

ەستەرىڭىزدە بولسا, وپەك+ ەلدەرى بيىلعى قاراشا ايىنان باستاپ مۇناي ءوندىرىسىن تاۋلىگىنە 2 ملن باررەلگە ازايتۋعا كەلىستى. 5 قازاندا ۆەنا قالاسىندا (اۋستريا) وپەك+ كەلىسىمىنە قاتىسۋشى ەلدەردىڭ مينيسترلىك وتىرىسى وتكەن-ءدى. وعان ەلىمىزدىڭ اتىنان ەنەرگەتيكا ءمينيسترى بولات اقشولاقوۆ قاتىستى.

وتىرىس بارىسىندا ەلدەردىڭ تامىز ايىن­­دا كەلىسىم مىندەتتەمەلەرىن ورىنداۋى تال­قىلاندى. كەلىسىمدى 2023 جىلعى 31 جەل­توقسانعا دەيىن ۇزارتۋ تۋرالى شەشىم قا­