اۋىل شارۋاشىلىعى مينيسترلىگىندە ەگىن جيناۋ ناۋقانىنىڭ قورىتىندىسى جاريالاندى. اۋىل شارۋاشىلىعى ۆيتسە-ءمينيسترى باعلان بەكباۋوۆتىڭ ايتۋىنشا, رەسپۋبليكا بويىنشا 15 ملن گەكتاردان استام ءداندى جانە بۇرشاقتى داقىلدار جينالعان, دەپ حابارلايدى Egemen.kz.
«ورتاشا ونىمدىلىك 13,5 تس/گا بولعاندا 21,6 ملن توننا استىق باستىرىلدى. ايتا كەتۋ كەتسەك, 2021 جىلى ورتاشا ونىمدىلىگى 10,1 تس/گا بولعان كەزدە 15,8 ملن توننا نەمەسە 26,5%-عا از استىق باستىرىلعان. استىق جيناۋ ەلىمىزدىڭ بارلىق وڭىرلەرىندە تولىعىمەن اياقتالدى. ەگەر داقىلدار بولىنىسىندە, ونىڭ ىشىندە الەۋمەتتىك ماڭىزى بار تاۋارلار بويىنشا قارايتىن بولساق, وندا 12,8 ملن گا بيداي نەمەسە 12,6 تس/گا ونىمدىلىكپەن 100% جينالدى, 16,2 ملن توننا باستىرىلدى», دەدى ۆيتسە-مينيستر وكق بريفينگىندە.
مايلى داقىلداردى جيناۋ 1,9 ملن گا الاڭدا نەمەسە ەگىن جيناۋ الاڭىنىڭ 55,7%-دا جۇرگىزىلدى, ال مايلى تۇقىمداردى جالپى جيناۋ 1,5 ملن توننانى قۇرايدى, ورتاشا ونىمدىلىگى 7,8 تس/گا.
كارتوپ 185,1 مىڭ گەكتار القاپتان نەمەسە جوسپارلانعان الاڭنىڭ 93,8%-ىنان جينالدى, ال جالپى الىم 204,8 تس/گا ونىمدىلىكتە 3,8 ملن توننانى قۇرادى.
كوكونىس داقىلدارى 161,2 مىڭ گا القاپتان نەمەسە جوسپارلانعان الاڭنىڭ 93,4%-ىنان جينالدى, ال جالپى الىم 288,6 تس/گا ونىمدىلىكتە 4,6 ملن توننانى قۇرادى.
جالپى, بۇگىنگى تاڭدا رەسپۋبليكا بويىنشا بارلىعى 15,9 ملن گا ءداندى جانە بۇرشاقتى داقىلدار نەمەسە جالپى ەگىن جيناۋ الاڭىنىڭ 99,5%-ى جينالدى.