قارجى ءمينيسترى ەرۇلان جاماۋباەۆ ۇكىمەت وتىرىسىندا بيىلعى توعىز ايدا رەسپۋبليكالىق بيۋدجەتتەن 12,9 تريلليون تەڭگە جۇمسالعانىن ايتتى, دەپ حابارلايدى Egemen.kz.
«مەملەكەتتىك بيۋدجەت شىعىسى – 96,2%-عا, رەسپۋبليكالىق – 96,3%-عا, جەرگىلىكتى بيۋدجەتتەر – 97,9%-عا اتقارىلدى. رەسپۋبليكالىق بيۋدجەت بويىنشا 12,9 تريلليون تەڭگەگە شىعىس جۇرگىزىلدى. اتقارىلماعان بيۋدجەت قاراجاتى 494 ملرد تەڭگەنى قۇرادى, ونىڭ 9 ملرد تەڭگەسى ۇنەمدەۋ ەسەبىنەن بولدى. يگەرىلمەگەن قارجى 485 ملرد تەڭگەنى قۇرادى», دەدى ەرۇلان جاماۋباەۆ.
ءمينيستردىڭ ايتۋىنشا ەڭ كوپ قارجى يگەرىلمەي قالعان وقۋ-اعارتۋ, عىلىم جانە جوعارى ءبىلىم, ىشكi iستەر, مادەنيەت جانە سپورت مينيسترلىكتەرىندە.
«يگەرىلمەۋدىڭ نەگىزگى سەبەپتەرى: قايتا قۇرۋ پروتسەسى, ورىندالعان جۇمىستار اكتىلەرىنىڭ, شوت-فاكتۋرالاردىڭ ۋاقىتىلى ۇسىنىلماۋى, بيۋدجەتتىك باعدارلامالاردى ىسكە اسىرۋ بويىنشا نورماتيۆتىك قۇقىقتىق اكتىلەردىڭ ۋاقىتىلى قابىلدانباۋى, ناقتى كورسەتىلگەن قىزمەتتەردىڭ كولەمىنە اقى تولەۋ», دەپ ءتۇسىندىردى مينيستر.