قر ۇلتتىق بانكىنىڭ توراعاسى عالىمجان ءپىرماتوۆ قىركۇيەك ايىنىڭ سوڭىندا بجزق-نىڭ زەينەتاقى اكتيۆتەرى 14,1 ترلن تەڭگەنى, ال ينۆەستيتسيالىق تابىس كولەمى جىل باسىنان بەرى 742 ملرد تەڭگەنى قۇراعانىن ايتتى, دەپ حابارلايدى Egemen.kz.
«بجزق-نىڭ زەينەتاقى اكتيۆتەرى 14,1 ترلن تەڭگەنى قۇراپ, جىل باسىنان بەرى 1 ترلن تەڭگەگە نەمەسە 8%-عا ءوستى», دەدى عالىمجان ءپىرماتوۆ ۇكىمەت وتىرىسىندا.
سونداي-اق ۇلتتىق بانك باسشىسى ينۆەستيتسيالىق تابىس كولەمى جىل باسىنان بەرى 742 ملرد تەڭگەنى, زەينەتاقى جارنالارى - 1 238,5 ملرد تەڭگەنى, زەينەتاقى تولەمدەرى - 197,4 ملرد تەڭگەنى, مەرزىمىنەن بۇرىن الىپ قويۋ - 858,5 ملرد تەڭگەنى قۇراعانىن حابارلادى.
«سوڭعى 12 ايدا زەينەتاقى اكتيۆتەرىنىڭ كىرىستىلىگى 7,5%-دى قۇرادى. 5 جىل ىشىندە زەينەتاقى اكتيۆتەرىنىڭ جيناقتالعان كىرىستىلىگى 55,8%-دى قۇرادى. سونداي-اق جيناقتالعان ينفلياتسيا 53,7%-دى قۇرادى», دەپ ناقتىلادى عالىمجان ءپىرماتوۆ.