كەشە استانادا قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆتىڭ “قازاقستان رەسپۋبليكاسى – ەۋروپا وداعى” پارلامەنتتىك ىنتىماقتاستىق كوميتەتىنىڭ 9-شى وتىرىسىنىڭ جۇمىسىنا قاتىسىپ جاتقان پاولو بارتولوتستسي باستاعان ەۋروپارلامەنت دەلەگاتسياسىمەن كەزدەسۋى بولدى.
ا.شاكىروۆ دەلەگاتسيانى ءوز جۇمىسىنىڭ نەگىزگى باعىتتارىمەن تانىستىرىپ, قازاقستاندىق ومبۋدسمەننىڭ قىزمەتىن رەتتەيتىن نورماتيۆتىك-قۇقىقتىق بازا تۋرالى ايتىپ بەردى.
ەۋروپا پارلامەنتشىلەرى ادام مەن ازاماتتىڭ قۇقىقتارى مەن ەركىندىكتەرىن قورعاۋ سالاسىنداعى قازاقستان ساياساتىن جوعارى باعالادى, سونداي-اق ءتۇرلى سالالارداعى, سونىڭ ىشىندە قۇقىق قورعاۋ قىزمەتىندەگى قازاقستان-ەۋروپا ارىپتەستىگىنىڭ دامۋ سەرپىندىلىگىن اتاپ كورسەتتى.
* * *
كەشە ا.شاكىروۆ سونداي-اق حالىقارالىق تۇرمە رەفورماسى قۇقىق قورعاۋ ۇيىمىنىڭ ساياسي ماسەلەلەر جونىندەگى ديرەكتورى مەري مەرفيمەن كەزدەسۋ وتكىزدى.
كەزدەسۋ بارىسىندا تاراپتار بوستاندىقتان ايىرۋ ورىندارىنداعى جۇيەلى, تاۋەلسىز دە ءتيىمدى باقىلاۋعا باعىتتالعان جوبانى ىسكە اسىرۋدىڭ قورىتىندىلارىن تالقىلادى.