وكق بريفينگىندە قر جوعارى سوت كەڭەسىنىڭ مۇشەسى نۇريا سيسەنوۆا كەيىنگى ءۇش جىلدا سوت تورەلىگىن جۇزەگە اسىرۋ كەزىندە زاڭدىلىقتىڭ بۇزىلۋىنا بايلانىستى 34 سۋديا جۇمىستان بوساتىلعانى جونىندە ايتتى, دەپ حابارلايدى Egemen.kz.
«2019 جىلدان 2022 جىلعا دەيىن سوت ءجيۋريى زاڭدىلىقتى ورەسكەل بۇزۋ فاكتىلەرى بويىنشا بارلىعى 349-عا جۋىق ءىس قارالىپ, تارتىپتىك جاۋاپكەرشىلىككە تارتىلدى. 34 سۋديا سوت ادەپتىلىگىن بۇزعانى جانە سوت تورەلىگىن جۇزەگە اسىرۋ كەزىندە زاڭدى بۇزعانى ءۇشىن سوت ءجيۋريىنىڭ شەشىمى بويىنشا قىزمەتتەن بوساتىلدى», دەدى نۇريا سيسەنوۆا.
ول سۋديالاردىڭ ءىس-ارەكەتتەرىندە تارتىپتىك تەرىس قىلىق انىقتالماۋىنا بايلانىستى 105 فاكتى بويىنشا تەكسەرۋلەر توقتاتىلعانىن ايتتى. بۇل تارتىپتىك ءىس جۇرگىزۋدىڭ جالپى سانىنىڭ 30%-ىن قۇرايدى.
بۇل رەتتە, ونىڭ ايتۋىنشا, سۋديالاردى تارتىپتىك جاۋاپكەرشىلىككە تارتۋ سوت ءجيۋريىنىڭ شەشىمى بويىنشا جۇرگىزىلەدى, ول 2019 جىلدان باستاپ جوعارى سوت كەڭەسى جانىنان دەربەس قۇقىقتىق ينستيتۋت رەتىندە ارەكەت ەتەدى.
تارتىپتىك ورگاننىڭ قۇرامىنا سۋديالار دا, قوعام وكىلدەرى دە كىرەدى. سۋديالار سوت تورەلىگىن جۇزەگە اسىرۋ كەزىندە زاڭدىلىقتى ورەسكەل بۇزعانى ءۇشىن تارتىپتىك جاۋاپكەرشىلىككە تارتىلۋى مۇمكىن.