پرەزيدەنت ءوزىن قولداۋ جونىندەگى حالىقتىق كواليتسيا فورۋمىنا قاتىستى, دەپ حابارلايدى Egemen.kz.
«دەموكراتيا, زاڭ ۇستەمدىگى جانە تەڭدىك قاعيداتتارى ساقتالاتىن مىقتى مەملەكەت بولامىز. بۇل ءبىزدىڭ قولىمىزدان كەلەدى. سەبەبى ايقىن ماقساتىمىز, ناقتى باعدارىمىز بار. جاسامپاز جانە وتانشىل حالقىمىز بار. تاۋەلسىز ەلدىڭ ويى ەركىن, رۋحى ازات ۇرپاعى ءوسىپ كەلەدى», دەدى ول.
سونىمەن قاتار مەملەكەت باسشىسى تۇبەگەيلى وزگەرىستىڭ ءبارىن وسكەلەڭ ۇرپاقتىڭ بولاشاعى ءۇشىن جاساپ جاتقانىن ايتتى.
«بارشاڭىزدى ەلىمىزدى بىرگە كوركەيتۋگە شاقىرامىن! ويتكەنى, ءبىزدىڭ وتانىمىز – ءبىر, مەملەكەتىمىز – ءبىر, حالقىمىز – ءبىر. ءاردايىم بىرگە بولايىق! قاسيەتتى وتانىمىز – قازاقستانىمىز جاساي بەرسىن!», دەدى ءسوز سوڭىندا پرەزيدەنت.