24 قىركۇيەك ساعات 16:13 شاماسىندا «قالامقاس» مۇناي-گاز كەن ورنىنا قاراستى ايماعىنىڭ قيىرشىق تاس جولىندا «گازەل» اۆتوكولىگى توقتاتىلدى, دەپ حابارلايدى Egemen.kz وبلىستىق پد-عا سىلتەمە جاساپ.
تەكسەرۋ بارىسىندا كولىكتەن زاڭسىز اۋلانعان سالماعى 34 كەلى 100 گراممدى قۇرايتىن «بەكىرە» تۇقىمداس بالىق, ۇرلەمەلى قايىق, سونداي-اق بالىق اۋلاۋعا ارنالعان قۇرال تاركىلەنگەن.
«تابيعاتتى قورعاۋ زاڭناماسىن بۇزعان 37 جاستاعى ازاماتقا قاتىستى اتالعان دەرەك قر قك 339-بابى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا تىركەلدى», دەپ جازىلعان حابارلامادا.
وزگە مالىمەتتەر تەرگەۋ مۇددەسىندە جاريا ەتىلمەيدى.