ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ قازاقستان پرەزيدەنتتىگىنە ءوز كانديداتۋراسىن ۇسىناتىن ۇمىتكەرلەرگە قويىلاتىن تالاپتاردى اتادى, دەپ حابارلايدى Egemen.kz.
«پرەزيدەنت لاۋازىمىنا كانديداتتاردى ۇسىنۋ سايلاۋ تاعايىندالعان كۇننەن كەيىنگى كۇننەن, ياعني 23 قىركۇيەكتەن باستالىپ, 11 قازاندا ساعات 18:00-دە اياقتالۋى ءتيىس», دەدى كونستانتين پەتروۆ.
كونستيتۋتسيادا جانە سايلاۋ تۋرالى كونستيتۋتسيالىق زاڭدا كانديداتقا كەلەسى تالاپتار قويىلادى:
قازاقستان ازاماتتىعى; سوڭعى 15 جىلدا قازاقستان اۋماعىندا تۇرۋ; جوعارى ءبىلىم; جاسى 40-تان كەم ەمەس; بەلسەندى سايلاۋ قۇقىعىنا يە بولۋ; مەملەكەتتىك قىزمەتتەگى نەمەسە سايلانبالى لاۋازىمدارداعى جۇمىس تاجىريبەسى 5 جىلدان كەم بولماۋى ءتيىس; مەملەكەتتىك ءتىلدى ەركىن مەڭگەرۋ.كونستانتين پەتروۆ بۇگىنگى تاڭدا سايلاۋ جارناسىنىڭ مولشەرى 3 ميلليون تەڭگەنى قۇرايتىنىن قوسا حابارلادى.